ଅଧିକାଂଶ ଲୋକ ଗାଈ ଗୋବର ନା ଶୁଣିବା ପରେ ନାକ ଟେକିବା ଆରମ୍ଭ କରନ୍ତି। କିନ୍ତୁ ଏପରି ଜଣେ ବ୍ୟକ୍ତି ଅଛନ୍ତି ଯିଏ କେବଳ ଗୋବର ଉପରେ ଗବେଷଣା କରୁନାହାଁନ୍ତି, ବରଂ ଗୋବରରୁ ଏପରି ଉତ୍ପାଦ ମଧ୍ୟ ତିଆରି କରୁଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିବ। ଅହମ୍ମଦାବାଦ ନିବାସୀ ଦିବ୍ୟକାନ୍ତ ଦୁବେ ଗତ ୮-୧୦ ବର୍ଷ ଧରି ଗାଈ ଗୋବର ଉପରେ କାମ କରୁଛନ୍ତି। ୫୫ ବର୍ଷୀୟ ଦୁବେ କେବଳ ଦଶମ ପାସ କରିଛନ୍ତି। ସେ ପେଶାରେ ଜଶେ ଚିତ୍ରକର। ସାଇନ ବୋର୍ଡ ରଙ୍ଗ ଏବଂ ମୂର୍ତ୍ତି ତିଆରି କରି ସେ ଟଙ୍କା ରୋଜଗାର କରନ୍ତି, କିନ୍ତୁ ସେ ଗୋବରରୁ ଅନେକ ଉତ୍ପାଦ ପ୍ରସ୍ତୁତ କରିଛନ୍ତି। ନିକଟରେ ସେ ଗୋବରରେ ଏକ ଚପଲ ତିଆରି କରିଛନ୍ତି। ଏହି ଚପଲ ମଜଭୁତ ଏବଂ ସ୍ବାସ୍ଥ୍ୟ ପାଇଁ ଉପଯୋଗୀ। ଲୋକେ ଏହି ଚପଲମାନଙ୍କୁ ବହୁତ ପସନ୍ଦ କରୁଛନ୍ତି। ଦୁବେ କହିଛନ୍ତି ଯେ ଗୋବରରୁ ପ୍ରସ୍ତୁତ ଚପଲ ସ୍ବାସ୍ଥ୍ୟ ଦୃଷ୍ଟିରୁ ବହୁତ ଭଲ। ପୁରାତନ କାଳରେ ଲୋକମାନେ ଗୋବର ଲିପା ଘରେ ଖାଲି ପାଦରେ ରହୁଥିଲେ। ଯାହା ଫଳରେ ସ୍ବାସ୍ଥ୍ୟ ଭଲ ରହୁଥିଲା। ଏବେ ସେପରି ଘର ନ ଥିବାରୁ ଗୋବରରୁ ପ୍ରସ୍ତୁତ ଚପଲ ପିନ୍ଧିଲେ ଶରୀର ସୁସ୍ଥ ରହିବ ବୋଲି ଦୁବେ କହିଛନ୍ତି। ଏଥିସହ, ଯଦି ଏହି ଚପଲଗୁଡିକ ଅଧ ଘଣ୍ଟା ପାଣିରେ ରଖାଯାଏ, ତେବେ ସେଗୁଡ଼ିକ ଖରାପ ହୁଏ ନାହିଁ କିମ୍ବା ଭାଙ୍ଗେ ନାହିଁ ବୋଲି ସେ କହିଛନ୍ତି। ଚପଲଙ୍କ ବ୍ୟତୀତ ଦିବ୍ୟକାନ୍ତ ଗୋବରର ମୂର୍ତ୍ତି ତିଆରି କରିଛନ୍ତି। ଗଣେଶ, ରାଧା କୃଷ୍ଣ, ସରସ୍ବତୀ, ରାମ ସୀତା ଇତ୍ୟାଦି ମୂର୍ତ୍ତି ତିଆରି ସେ କହିଛନ୍ତି।
