କେରଳର କୋଟର ହାତୀ ପୁନର୍ବାସ କେନ୍ଦ୍ରରେ ଶ୍ରୀକୁଟୀ ନାମକ ଏକ ହାତୀଛୁଆ ଜନ୍ମଦିନ ପାଳନ କରିଛି। ବେଶ୍ ଧୂମ୍ଧାମରେ ପାଳନ କରାଯାଇଥିବା ଏହି ଉତ୍ସବରେ ୧୫ ହାତୀ ଏବଂ ମଣିଷମାନେ ମଧ୍ୟ ସାମିଲ ଥିଲେ। ସୋସିଆଲ ମିଡିଆରେ ଏହି ଭିଡିଓ ଖୁବ୍ ତୀବ୍ର ବେଗରେ ଭାଇରାଲ ହେଉଛି।
ଏକ ରିପୋର୍ଟ ଅନୁଯାୟୀ, ଶ୍ରୀକୁଟୀକୁ ଏକ ଜଙ୍ଗଲରୁ ଗତବର୍ଷ ନଭେମ୍ବରରେ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା। ଯେତେବେଳେ ଏହା ମାତ୍ର ଦୁଇଦିନର ହୋଇଥିଲା। ଏହାର ବଞ୍ଚିବା ସମ୍ଭାବନା ଖୁବ୍ କମ୍ ଥିଲା। ମାତ୍ର ମୁଖ୍ୟ ବନ ପଶୁ ଚିକିତ୍ସା ଅଧିକାରୀ ଡା. ଈଶ୍ୱରନ ଶ୍ରୀକୁଟୀ ପ୍ରତି ବିଶେଷ ଧ୍ୟାନ ରଖିଥିଲେ। ତା’ର ଚିକିତ୍ସା କରି ଠିକ୍ କରିଦେଇଥିଲେ। କଦଳୀ ଏବଂ ପଇଡ଼ ପାଣି ଦେବା ସହି ତା’ର ଦେଖାଶୁଣା କରୁଥିଲେ। ପରେ ଶ୍ରୀକୁଟୀ ଠିକ୍ ହୋଇଯାଇଥିଲା।
ତେବେ ପ୍ରଥମ ଜନ୍ମଦିନ ପାର୍ଟିର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଉତ୍ସବରେ ଡା. ଈଶ୍ୱରନ ମଧ୍ୟ ଉପସ୍ଥିତ ଥିଲେ। ଏହି ଭିଡିଓଟିକୁ ଲୋକେ ଖୁବ୍ ପସନ୍ଦ କରୁଛନ୍ତି।
ଜଣେ ୟୁଜର ଲେଖିଛନ୍ତି, ଶ୍ରୀକୁଟୀର ଜନ୍ମଦିନରେ ମୁଁ ମଧ୍ୟ ସାମିଲ ହେବି। କରୋନା ସମୟ ହେଉ କି ଯାହା ହେଉ। ମୁଁ ଏବେଠାରୁ ଯୋଜନା କରୁଛି। ଭାଇରାଲ ହୋଇଥିବା ଫଟୋରେ ଶ୍ରୀକୁଟୀ ଜନ୍ମଦିନ ଉପଲକ୍ଷେ ନିଜ ମୁଣ୍ଡରେ ଏକ ହଳଦୀ ରଙ୍ଗର ଫୁଲ ଲଗାଇଛି। ଚାଉଳରେ ପ୍ରସ୍ତୁତ ଏକ ବଡ଼ କେକ୍ ମଧ୍ୟ କାଟିଛି।
