ପାଟଣା,୩୧।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ମୁଖ୍ୟାଳୟ ଆନନ୍ଦେଶ୍ୱର ଶିବ ମନ୍ଦିର ନିକଟରେ ଥିବା କଲ୍ୟାଣ ମଣ୍ଡପରେ ଶନିବାର ରାତ୍ରି ପାଟଣା କୁମାର ଉତ୍ସ କମିଟି ତରଫରୁ ଶନିବାର ୫୧ତମ ଗଜଲକ୍ଷ୍ମୀ ପୂଜା ଅନୁଷ୍ଠିତ ହୋଇଛି। କରୋନା ସଂକ୍ରମଣକୁ ଦୃଷ୍ଟିରେ ରଖି କମିଟି ତରଫରୁ ଚଳିତ ବର୍ଷ ସମସ୍ତ ସାଂସ୍କୃତିକ କାର୍ଯ୍ୟକ୍ରମକୁ ବାତିଲ କରାଯାଇଛି। ପୂଜକ ଭାବେ ରାମଚନ୍ଦ୍ର ଦାଶ ମହାଲକ୍ଷ୍ମୀଙ୍କର ନୀତି କାନ୍ତି କରିଥିବା ବେଳେ କର୍ତ୍ତା ଭାବେ କମିଟିର ସଦସ୍ୟ ଶବିର କୁମାର ଦାଶ କାର୍ଯ୍ୟ ତୁଲାଇଥିଲେ। କମିଟିର ବରିଷ୍ଠ ସଦସ୍ୟ ଅଜୟ କୁମାର ଦାଶ, ବିବେକାନନ୍ଦ ଦାଶ, ଲିପକ କୁମାର ସାହୁ, ଦକ୍ଷ କୁମାର ସାହୁ, ସତ୍ୟବ୍ରତ ଦାଶ ଓ ଅଜୟ ଦାସ ପ୍ରମୁଖ ଉପସ୍ଥିତରହି ସାମାଜିକ ଦୂରତ୍ୱ ଓ ମାସ୍କ ପରିଧାନ ମଧ୍ୟରେ ଦେବୀ ନୀତି ସମ୍ପନ୍ନ କରିଥିଲେ। ଅନୁରୂପ ଭାବେ ବ୍ଲକର ପୁରାତନ ଅନୁଷ୍ଠାନ ତୁରୁମୁଙ୍ଗା, ମଲ୍ଲୀପଶି, କୁଆପଶି, ସଁରାପଶି, ପୁଟୁଳିଆ ଆଦି ଗଜଲକ୍ଷ୍ମୀ ପୂଜା ଜମିଟି ତରଫରୁ କରୋନା ସକାଶେ ନିରାଡମ୍ବର ଭାବେ ଲକ୍ଷ୍ମୀ ପୂଜା ଅନୁଷ୍ଠିତ ହୋଇଛି।
