ଆଇପିଏଲ ୨୦୨୦ର ପ୍ରଥମ ମ୍ୟାଚରେ ଏମଏସ ଧୋନୀ ୪୩୭ ଦିନ ପରେ କ୍ରିକେଟ ପଡିଆକୁ ଓହ୍ଲାଇଥିଲେ। ପ୍ରଥମ ମ୍ୟାଚ୍ରେ ଧୋନୀଙ୍କ ନେତୃତ୍ୱଧୀନ ଚେନ୍ନାଇ ସୁପର୍ କିଙ୍ଗ୍ସ ମୁମ୍ବାଇ ଇଣ୍ଡିଆନ୍ସକୁ ୫ ଉଇକେଟ୍ରେ ପରାସ୍ତ କରିଥିଲା। ଏହି ମ୍ୟାଚ୍ରେ ଧୋନୀ ନୂଆ ଅବତାରରେ ନଜର ଆସିଥିଲେ। ପ୍ରତିଥର ଆଇପିଏଲ ସିଜିନ୍ ଭଳି ଏଥର ମଧ୍ୟରେ ଧୋନୀଙ୍କ ଲୁକ୍ ଭାଇରାଲ ହୋଇଥିଲା। ତାଙ୍କ ଲୁକ୍ ଦକ୍ଷିଣ ଭାରତୀୟ ଫିଲ୍ମର ସୁପରଷ୍ଟାର ସୂର୍ଯ୍ୟାଙ୍କ ଫିଲ୍ମ ସିଂଘମର ଲୁକ୍ ଭଳି ଲାଗୁଥିଲା। ଧୋନୀ ଏକ ଭିନ୍ନ ଢଙ୍ଗରେ ଦାଢି ରଖିଥିଲେ। ସୋସିଆଲ ମିଡିଆରେ ତାଙ୍କ ଲୁକ୍ ଭାଇରାଲ ହେବା ପରେ ପ୍ରଶଂସକ ତାଙ୍କୁ ସିଂଘମ ଆଖ୍ୟା ଦେଇଛନ୍ତି। ଧୋନୀଙ୍କ ସ୍ତ୍ରୀ ସାକ୍ଷୀ ମଧ୍ୟ ତାଙ୍କ ଲୁକ୍କୁ ବେଶ୍ ପସନ୍ଦ କରିଛନ୍ତି। ଧୋନୀ ମ୍ୟାଚ୍ ପରେ ସାକ୍ଷାତକାର ଦେଉଥିବାବେଳେର ଫଟୋ ସ୍କ୍ରିନ୍ଶଟ୍ ନେଇ ସାକ୍ଷୀ ନିଜ ଇନ୍ଗ୍ରାମରେ ଛାଡିଥିଲେ। ଏହାର କ୍ୟାପ୍ଶନ୍ରେ ଲେଖିଥିଲେ କେତେ ହ୍ୟାଣ୍ଡ୍ସମ୍ ଲାଗୁଛ। ସୂଚନାଯୋଗ୍ୟ, କରୋନା ଯୋଗୁ ଏଥର ଆଇପିଏଲ୍ ୟୁଏଇରେ ଅନୁଷ୍ଠିତ ହେଉଛି। ଅନେକ ଖେଳାଳି ଏଥର ନିଜ ପରିବାରବାରକୁ ସାଙ୍ଗରେ ନେଇନାହାନ୍ତି। ଏଥିରେ ସାମିଲ ଅଛନ୍ତି ଧୋନୀ। ଫଳରେ ତାଙ୍କ ସ୍ତ୍ରୀ ଏବଂ ଝିଅ ଟିଭିରେ ମ୍ୟାଚ୍ ଉପଭୋଗ କରୁଛନ୍ତି।
