ଭୁବନେଶ୍ୱର,୧୪।୯(ବ୍ୟୁରୋ): ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଗତ ୬ ବର୍ଷ ମଧ୍ୟରେ ୪୨୪ ସରକାରୀ କର୍ମଚାରୀଙ୍କ ବିରୋଧରେ ଭିଜିଲାନ୍ସ ମାମଲା ରୁଜୁ ହୋଇଛି। ସାଧାରଣ ପ୍ରଶାସନ ବିଭାଗରୁ ମିଳିଥିବା ସୂଚନା ଅନୁଯାୟୀ ୨୦୧୪ରୁ ୨୦୨୦ ଅଗଷ୍ଟ ୩୧ ମଧ୍ୟରେ ରାଜ୍ୟ ସରକାରଙ୍କ ଅଧିକାରୀ ଓ କର୍ମଚାରୀମାନଙ୍କ ବିରୋଧରେ ୪୨୪ ଭିଜିଲାନ୍ସ ମାମଲା ରୁଜୁ ହୋଇଛି। ୨୦୧୪ରେ ୭୫ ମାମଲା ରୁଜୁ ହୋଇଥିବା ବେଳେ ୨୦୧୫ରେ ୧୨୩, ୨୦୧୬ରେ ୮୫, ୨୦୧୭ରେ ୪୮, ୨୦୧୮ରେ ୪୩, ୨୦୧୯ରେ ୩୧ ଏବଂ ୨୦୨୦ ଅଗଷ୍ଟ ୩୧ ସୁଦ୍ଧା ୧୯ ଜଣଙ୍କ ବିରୋଧରେ ମାଲା ରୁଜୁ ହୋଇଛି। ସେଥିରୁ ୩୩୫ଟି ମାଲର ଫଇସଲା ହୋଇଥିବା ବେଳେ ୬୯ ମାମଲାର ଶୁଣାଣି ବାକି ରହିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୁର୍ନୀତି ବିରୋଧରେ କଡା ଆଭିମୁଖ୍ୟ ପରେ ଗତ ୫ ବର୍ଷ ହେବ ଏହି ମାମଲା ସଂଖ୍ୟା କମିବାରେ ଲାଗିଛି। ମୁଖ୍ୟମନ୍ତ୍ରୀ ଦୁର୍ନୀତି ଖୋର ଅଧିକାରୀଙ୍କ ବିରୋଧରେ ଶୂନ ସହନଶୀଳତା ନୀତି ଅବଲମ୍ବନ କରିଛନ୍ତି। ଦୋଷୀ ସାବ୍ୟସ୍ତ ହେବା ପରେ ଅଧିକାରୀମାନଙ୍କୁ ଚାକିରିରୁ ବହିସ୍କାର କରାଯାଉଛି।
