ବିଶ୍ୱାସ କରାଯାଏ ଯେ, ଖେଳାଳିମାନେ ପାଠପଢାରେ ସେତେଟା ଉତ୍ତମ ନୁହେଁ। କ୍ରିକେଟର ଭଗବାନ ସଚିନ ତେନ୍ଦୁଲକରଙ୍କୁ କେବଳ ହାଇସ୍କୁଲ ପର୍ଯ୍ୟନ୍ତ ପାଠ ପଢିଥିବାବେଳେ ବିରେନ୍ଦ୍ର ସେହ୍ବାଗ, ହରଭଜନ ସିଂ, ମହମ୍ମଦ କୈଫଙ୍କ ସମାନ ଅବସ୍ଥା। ବିରାଟ କୋହଲି, ଶିଖର ଧାୱନ, ରୋହିତ ଶର୍ମା ଦ୍ୱାଦଶ ପାସ କରିଛନ୍ତି।
ନିଜ ବ୍ୟାଟିଂ ବ୍ୟାଟିଂ ପାଇଁ ଜଣାଶୁଣା କ୍ରିଷ୍ଣମୋଚାରୀ ଶ୍ରୀକାନ୍ତ ଚେନ୍ନାଇର ଆନ୍ନା ବିଶ୍ୱବିଦ୍ୟାଳୟରୁ ଇଲେକ୍ଟ୍ରିକାଲ ଇଞ୍ଜିନିୟରିଂ ଡିଗ୍ରୀ କରିଛନ୍ତି।
ପୂର୍ବତନ ଭାରତୀୟ ଅଧିନାୟକ ତଥା ସ୍ପିନର ଅନିଲ କୁମ୍ବଲେ ଜଣେ ମେକାନିକାଲ ଇଞ୍ଜିନିୟର। କୁମ୍ବଲେ ୧୯୯୨ରେ ନ୍ୟାଶନାଲ ସ୍କୁଲ କଲେଜ ଅଫ ଇଞ୍ଜିନିୟରିଂରୁ ମେକାନିକାଲ ଇଞ୍ଜିନିୟରିଂ ଡିଗ୍ରୀ ହାସଲ କରିଥିଲେ।
ପୂର୍ବତନ ଭାରତୀୟ ଦ୍ରୁତ ବୋଲର ତଥା ବର୍ତ୍ତମାନର ମ୍ୟାଚ ରେଫରି ଜଭାଗଲ ଶ୍ରୀନାଥ ଇନଷ୍ଟ୍ରୁମେଣ୍ଟାଲ ଟେକ୍ନୋଲୋଜିର ଜଣେ ଇଞ୍ଜିନିୟର ଅଟନ୍ତି। ସେ ଏକଦିବସୀୟରେ ୩୦୦ରୁ ଅଧିକ ଉଇକେଟ ନେଇଥିଲେ। ଶ୍ରୀନାଥ ଅଷ୍ଟ୍ରେଲିଆ ବିପକ୍ଷରେ ଡେବ୍ୟୁ ଏବଂ ଶେଷ ଦିନିକିଆ ମ୍ୟାଚ ଖେଳିଥିଲେ।
ସ୍ବିନ୍ ବୋଲର୍ ଆର୍ ଅଶ୍ୱିନ୍ ଚେନ୍ନାଇର ଏସଏସଏନ୍ କଲେଜ ଅଫ ଇଞ୍ଜିନିୟରିଂରୁ ସୂଚନା ପ୍ରଯୁକ୍ତିବିଦ୍ୟାରେ ବି.ଟେକ କରିଛନ୍ତି। ଅଶ୍ୱିନ କ୍ରିକେଟର ହେବା ପୂର୍ବରୁ ଏକ ବୃହତ ଆଇଟି କମ୍ପାନୀରେ କାର୍ଯ୍ୟ କରୁଥିଲେ।
ଦ ଓ୍ବାଲ୍ ରାହୁଲ ଦ୍ରାବିଡ ଯେତେବେଳେ ସେ ଟିମ ଇଣ୍ଡିଆ ପାଇଁ ମନୋନୀତ ହୋଇଥିଲେ, ସେତେବେଳେ ସେ ଏମବିଏ ପାଇଁ ଅଧ୍ୟୟନ କରୁଥିଲେ। ପୂର୍ବରୁ ଦ୍ରାବିଡ଼ ବାଙ୍ଗାଲୋରର ପ୍ରସିଦ୍ଧ ସେଣ୍ଟ ଜୋସେଫ ସ୍କୁଲରୁ ପାଠ ପଢିଥିଲେ। ପରେ ବାଣିଜ୍ୟରେ ସ୍ନାତକ ହାସଲ କରିଥିଲେ।
ଭାରତୀୟ କ୍ରିକେଟ ଦଳର ପୂର୍ବତନ ବ୍ୟାଟ୍ସମ୍ୟାନ୍ ଭିଭିଏସ୍. ଲକ୍ଷ୍ମଣ ଜଣେ ଡାକ୍ତର ପରିବାରୁ ଆସିଥିଲେ। ତାଙ୍କ ମା ଏବଂ ପିତା ଉଭୟ ଡାକ୍ତର। ସେ ନିଜେ ଅଧ୍ୟୟନରେ ବହୁତ ଭଲ ଥିଲେ। କିନ୍ତୁ କ୍ରିକେଟ ପ୍ରତି ଥିବା ଦୁର୍ବଳତା ଯୋଗୁ ସେ ବ୍ୟାଟ୍ ଧରିଥିଲେ।
ଦେଶର ଶିକ୍ଷିତ କ୍ରିକେଟରଙ୍କ ମଧ୍ୟରେ ଆଉ ଜଣେ ଦକ୍ଷିଣ ଭାରତୀୟ ଖେଳାଳି ଅଛନ୍ତି। ସେ ହେଉଛନ୍ତି ମୁରଲୀ ବିଜୟ। ୨୦୦୬ରେ ଟିମ ଇଣ୍ଡିଆରେ ଡେବ୍ୟୁ କରିଥିବା ବିଜୟ ଦେଶର ପ୍ରସିଦ୍ଧ ବିଶ୍ୱବିଦ୍ୟାଳୟରୁ ଅର୍ଥନୀତିରେ ସ୍ନାତକୋତ୍ତର ହାସଲ କରିଛନ୍ତି।
