ଭାରତରେ କ୍ରିକେଟର ଲୋକପ୍ରିୟତା ସବୁଠୁ ଊର୍ଦ୍ଧ୍ୱରେ। ଏଠାରେ କ୍ରିକେଟରମାନଙ୍କୁ ଭଗବାନଙ୍କ ପରି ପୂଜା କରାଯାଏ। କ୍ରିକେଟ ଖବରର ଏହି ପାଗଳ ପ୍ରଶଂସକଙ୍କ ପାଇଁ ଏକ ଦୁଃଖ ଖବର ଅଛି। ୪୨ ବର୍ଷ ଧରି କ୍ରିକେଟ ବିଷୟରେ ପ୍ରତ୍ୟେକ ଖବର ଦେଉଥିବା ଲୋକପ୍ରିୟ ହିନ୍ଦୀ ପତ୍ରିକା ‘କ୍ରିକେଟ ସମ୍ରାଟ‘ ବନ୍ଦ ହେବାକୁ ଯାଉଛି।
କରୋନା ଯୋଗୁ ୨୦୨୦ ବର୍ଷ କ୍ରୀଡା ଜଗତ ସହ ସମଗ୍ର ବିଶ୍ୱ ପାଇଁ ଚିନ୍ତାର ବିଷୟ ହୋଇଛି। ଦୀର୍ଘ ୪ ମାସ ହେବ କୌଣସି କ୍ରିକେଟ୍ ସିରିଜ୍ ଆୟୋଜନ କରାଯାଉ ନାହିଁ। ହୁଏତ ଏହି କାରଣରୁ କ୍ରିକେଟ ସମ୍ରାଟର ପ୍ରକାଶକ ଏହାର ବନ୍ଦ ଘୋଷଣା କରିଛନ୍ତି। କ୍ରୀଡାପ୍ରେମୀମାନେ ଏହି ଖବର ଶୁଣି ବେଶ୍ ଦୁଃଖିତ ଅଛନ୍ତି। କେହି କେହି ଏହାକୁ ଏକ ଯୁଗର ଅବସାନ ବୋଲି କହିଛନ୍ତି।
ସୂଚନାଯୋଗ୍ୟ, କ୍ରିକେଟ ସମ୍ରାଟ ପ୍ରଥମେ ନଭେମ୍ବର ୧୯୭୮ରେ ପ୍ରକାଶିତ ହୋଇଥିଲା। କିଛି ବର୍ଷ ମଧ୍ୟରେ ଏହା କ୍ରିକେଟର ସବୁଠାରୁ ବିଶ୍ୱସ୍ତ ଏବଂ ଲୋକପ୍ରିୟ ପତ୍ରିକା ହୋଇଯାଇଥିଲା। କ୍ରିକେଟ୍ପ୍ରେମୀମାନେ ଟିକିନିକି ଖବର ଜାଣିବା ପାଇଁ ଉତ୍ସାହର ସହିତ ଏହାକୁ ଅପେକ୍ଷା କରୁଥିଲେ।
