ଭୁବନେଶ୍ୱର, ୩।୬(ବ୍ୟୁରୋ): ଭୁବନେଶ୍ୱର ମହାନଗର ଅଞ୍ଚଳରେ ଆଉ କଣ୍ଟେନମେଣ୍ଟ ଜୋନ୍ ହେବ ନାହିଁ। ସିଲ କିମ୍ବା କଣ୍ଟେନମେଣ୍ଟ ଜୋନ କରାଯିବ ନାହିଁ । ଆବଶ୍ୟକ ହେଲେ ରାଜ୍ୟ ସରକାରଙ୍କ ଅନୁମତି ଅନୁସାରେ କଣ୍ଟେନମେଣ୍ଟ ଜୋନ୍ କରାଯିବ ବୋଲି କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ମିଳିଛି।
ପ୍ରକାଶ ଯେ, ମେ’ ୨ରୁ ଆଜି ଯାଏ ବାହାର ରାଜ୍ୟରୁ ୨୧୬୮ ଜଣ ଭୁବନେଶ୍ୱର ଆସିଛନ୍ତି । ଏମାନଙ୍କ ମଧ୍ୟରୁ ଟ୍ରେନ୍ରେ ୫୦୧, ବିମାନରେ ୮୫୨, ଅନ୍ୟ ଯାନରେ ୮୧୫ଜଣ ଆସିଛନ୍ତି। ଏମାନଙ୍କ ମଧ୍ୟରୁ ୮୫୯ ଜଣଙ୍କ କ୍ୱାରାଣ୍ଟାଇନ ଅବଧି ସରିଲାଣି। ଅନ୍ୟ ୧୩୦୯ ଜଣଙ୍କ ମଧ୍ୟରୁ ୧୨୯୭ଜଣ ହୋମ କ୍ୱାରାଣ୍ଟାଇନରେ ଅଛନ୍ତି। ତେଣୁ ଭୁବନେଶ୍ୱର ମହାନଗର ଅଞ୍ଚଳରେ ଆଉ କଣ୍ଟେନମେଣ୍ଟ ଜୋନ୍ ହେବ ନାହିଁ ବୋଲି କର୍ତ୍ତୃପକ୍ଷ ସୂଚିତ କରିଛନ୍ତି।
