କୋଲକାତା,୧୩ା୫: ଦେଶରେ କୋଭିଡ୍-୧୯ ସଙ୍କଟରୁ ଖୁବ୍ଶୀଘ୍ର ମୁକ୍ତି ମିଳି ନ ପାରେ। ଏଥିଲାଗି ତିନିମାସିଆ ଯୋଜନା ଦରକାର ବୋଲି ମଙ୍ଗଳବାର ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି। ମମତାଙ୍କ ମତରେ ମାର୍ଚ୍ଚ ୨୫ରେ ଲକ୍ଡାଉନ୍ ଜାରି ହେବା ପରଠୁ ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଲକ୍ଡାଉନ୍ର ଉଚିତ ପରିଚାଳନା କରାଯାଉ ନାହିଁ। ରାଜ୍ୟ ସରକାରଙ୍କ ଅଧିକାରୀମାନଙ୍କ ସହ ଏକ ବୈଠକରେ ସ୍ଥିତି ସମୀକ୍ଷା କରିବା ପରେ ମମତା ଏପରି ମତବ୍ୟକ୍ତ କରିଛନ୍ତି। ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ସୋମବାର ଭିଡିଓ କନ୍ଫରେନ୍ସ ଜରିଆରେ ହୋଇଥିବା ଆଲୋଚନାକୁ ନେଇ ସେ କହିଛନ୍ତି, ଏହି ମିଟିଂରୁ ପଶ୍ଚିମବଙ୍ଗକୁ କିଛି ମିଳିନାହିଁ। ତାଙ୍କୁ ଖାଲିହାତରେ ଫେରିବାକୁ ପଡ଼ିଛି। ରାଜ୍ୟକୁ ମିଳିବାକୁ ଥିବା ବକେୟା ରାଶିକୁ କେନ୍ଦ୍ର ସରକାର ଏଯାଏ ଦେଇନାହାନ୍ତି।
