ଭୁବନେଶ୍ୱର,୮।୫(ବ୍ୟୁରୋ): କରୋନା ମୁକାବିଲାକୁ ନେଇ ଓଡ଼ିଶାକୁ ୪ଟି ଜୋନରେ ବିଭକ୍ତ କରାଯାଇଛି। କଣ୍ଟେନ୍ମେଣ୍ଟ ଜୋନ, ରେଡ, ଅରେଞ୍ଜ, ଗ୍ରୀନ ଜୋନ କରାଯିବା ପରେ ସେଥିରେ କିଛି କଟକଣା ମଧ୍ୟ ଲଗାଯାଇଛି। ସମ୍ପ୍ରତି ୩ୟ ପର୍ଯ୍ୟାୟ ଲକ୍ଡାଉନ୍ ଜାରି ରହିଥିବା ବେଳେ ଅର୍ଥନୈତିକ କାରବାରକୁ ସ୍ବାଭାବିକ କରିବା ଲାଗି ବିଭିନ୍ନ କଟକଣା କୋହଳ କରାଯାଇଛି। ତେବେ ଗୀତଗୋବିନ୍ଦ ସଦନରେ ଆୟୋଜିତ ଖବରଦାତା ସମ୍ମିଳନୀରେ ଏ ବିଷୟରେ ସବିଶେଷ ସୂଚନା ଦେଇଛନ୍ତି ସଚିବ ସଞ୍ଜୟ ସିଂହ। ସେ କହିଛନ୍ତି, କଣ୍ଟେନମେଣ୍ଟ ଜୋନରେ କୌଣସି କାର୍ଯ୍ୟକଳାପ କରାଯାଇପାରିବ ନାହିଁ। ସେଠାରେ ଅଫିସ ଥିଲେ ତାହା ଖୋଲିପାରିବ ନାହିଁ। ହେଲେ ଯଦି କୌଣସି ବେସରକାରୀ ଅଫିସ ରେଡ୍ ଜୋନ୍ରେ ରହିଛି ମାତ୍ର ତାହା କଣ୍ଟେନମେଣ୍ଟ ଜୋନ୍ରେ ନାହିଁ, ତେବେ ତାହା ଖୋଲିପାରିବ। ହେଲେ ଏଥିପାଇଁ ଗୋଟିଏ ସର୍ତ୍ତ ରହିଛି। ସେଇଟି ହେଲା ଅଫିସଗୁଡ଼ିକ ୩୩% କର୍ମଚାରୀରେ ଖୋଲିପାରିବ। ଅଫିସ ଅରେଞ୍ଜ କିମ୍ବା ଗ୍ରିନ୍ ଜୋନ୍ରେ ରହିଥିଲେ, ତାହା ଖୋଲିବାରେ କୌଣସି କଟକଣା ନାହିଁ। ରେଡ ଜୋନ୍ରେ ଅଫିସ ଖୋଲାଯାଇପାରିବ। ହେଲେ କର୍ମଚାରୀଙ୍କ ସୁବିଧା ଦୃଷ୍ଟିରୁ ପରିଚୟପତ୍ର ଦିଆଗଲେ କୌଣସି ଅସୁବିଧା ହେବ ନାହିଁ ବୋଲି ସେ କହିଛନ୍ତି।
