ନୂଆଦିଲ୍ଲୀ,୧୦।୪: କରୋନା ଭାଇରସର ସଂକ୍ରମଣକୁ ରୋକିବାକୁ କେନ୍ଦ୍ର ତଥା ସମସ୍ତ ରାଜ୍ୟ ସରକାର ଚେଷ୍ଟା ଚଳାଇଛନ୍ତି। ହେଲେ ଏହି ସମୟରେ ଏମିତି ଏକ ଖବର ଆସିଛି ଯାହା ସମସ୍ତଙ୍କୁ ଚିନ୍ତାରେ ପକାଇ ଦେଇଛି। ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ବିହାରର ପଶ୍ଚିମ ଚମ୍ପାରନ(ବୋତିଆ)ର ଜିଲାପାଳ ଏକ ପତ୍ର ମାଧ୍ୟମରେ ଜଣାଇଛନ୍ତି କି କେତେଜଣ ଲୋକ ନେପାଳ ସୀମାଦେଇ ଭାରତରେ କରୋନା ଭାଇରସ ସଂକ୍ରମଣ କରିବା ଯୋଜନାରେ ରହିଛନ୍ତି। ବିଶେଷ ଭାବେ ବିହାରରେ ଏମାନେ ସଂକ୍ରମଣ ବଢାଇବାକୁ ଚେଷ୍ଟା କରୁଥିବା କୁହାଯାଉଛି। ପୋଲିସ ଅଧିକ୍ଷକଙ୍କ ମାଧ୍ୟମରେ ଜିଲାପାଳ ସୀମା ସୁରକ୍ଷା ବଳର ୪୭ ବାହୀନି ବାଟେଲିୟନକୁ ଏ ସମ୍ପର୍କରେ ସୂଚନା ଦେଇଥିବା ଜଣାପଡିଛି। ଏହି ପତ୍ରରୁ ଜଣାପଡିଛି ଅତିକମ୍ରେ ୪୦-୫୦ କରୋନା ସଂକ୍ରମିତ ଭାରତରେ ପ୍ରବେଶ କରି ସାରିଛନ୍ତି। ଏମାନଙ୍କର ଉଦ୍ଦେଶ୍ୟ ହେଉଛି ଦେଶରେ କରୋନା ସଂକ୍ରମଣକୁ ବୃଦ୍ଧି କରିବା। ଏହି ଖବର ପରେ ବିହାର ସରକାରଙ୍କ ସ୍ବରାଷ୍ଟ୍ର ସଚିବ ଘଟଣାର ତଦନ୍ତ କରାଯାଉଛି ବୋଲି କହିଥିବା ଜଣାପଡିଛି।
