ଜ୍ୟୋତିଷ ଶାସ୍ତ୍ର ଅନୁଯାୟୀ, ସୁଖ-ସୁବିଧା, ପ୍ରେମ ଏବଂ ଅପାର ଧନର କାରକ ଗ୍ରହ ‘ଶୁକ୍ର’ ଶନିବାର ଅର୍ଥାତ୍ ୨୦ ଡିସେମ୍ବର ସକାଳ ୭ଟା ୩୧ ମିନିଟରେ ଧନୁ ରାଶିରେ ପ୍ରବେଶ କରିଛନ୍ତି। ଏହା ୨୦୨୫ ବର୍ଷର ଶେଷ ଗୋଚର। ଆସନ୍ତା ୨୪ ଦିନ ପର୍ଯ୍ୟନ୍ତ (୧୩ ଜାନୁଆରୀ ୨୦୨୬ ଯାଏଁ) ଶୁକ୍ର ଏହି ରାଶିରେ ରହିବେ। ଏହି ସମୟ ମଧ୍ୟରେ ୫ଟି ରାଶିର ବ୍ୟକ୍ତିଙ୍କ ଜୀବନରେ ବଡ଼ ସକାରାତ୍ମକ ପରିବର୍ତ୍ତନ ସହ ଆର୍ଥିକ ଉନ୍ନତିର ପ୍ରବଳ ଯୋଗ ରହିଛି।
ଏହି ୫ ରାଶି ଉପରେ ପଡ଼ିବ ଶୁଭ ପ୍ରଭାବ:
ମେଷ ରାଶି: ଶୁକ୍ରଙ୍କ ପ୍ରଭାବରେ କ୍ୟାରିଅରରେ ବଡ଼ ସଫଳତା ମିଳିପାରେ। ବ୍ୟବସାୟରେ ବିଦେଶରୁ ନୂଆ ଅର୍ଡର ମିଳିବାର ସମ୍ଭାବନା ରହିଛି। ଆୟ ବଢ଼ିବା ସହ ନୂତନ ଯାନ କିମ୍ବା ଗୃହ କ୍ରୟ କରିବା ପାଇଁ ଏହା ଅନୁକୂଳ ସମୟ।
ମିଥୁନ ରାଶି: ନୂଆ ବନ୍ଧୁ ଓ ସହଯୋଗୀଙ୍କ ସାହାଯ୍ୟରେ ବ୍ୟବସାୟିକ ଯୋଜନା ସଫଳ ହେବ। ପାର୍ଟନରସିପ୍ ବ୍ୟବସାୟରେ ଭଲ ଲାଭ ମିଳିବ। ଦାମ୍ପତ୍ୟ ଜୀବନରେ ମଧୁରତା ଆସିବା ସହ ପରିବାରରେ ଶାନ୍ତି ବଜାୟ ରହିବ।
ସିଂହ ରାଶି: ଆର୍ଥିକ ସ୍ଥିତି ମଜବୁତ ହେବ ଏବଂ ଧନ ପ୍ରାପ୍ତିର ନୂଆ ନୂଆ ମାର୍ଗ ଫିଟିବ। ସନ୍ତାନଙ୍କ ସ୍ୱାସ୍ଥ୍ୟକୁ ନେଇ ଚାଲିଥିବା ଚିନ୍ତା ଦୂର ହେବ। ବ୍ୟବସାୟ ସମ୍ପ୍ରସାରଣ ପାଇଁ ଏହି ସମୟ ଅତ୍ୟନ୍ତ ଶୁଭ।
କନ୍ୟା ରାଶି: ଭାଗ୍ୟର ପୂର୍ଣ୍ଣ ସହଯୋଗ ମିଳିବ। କର୍ମକ୍ଷେତ୍ରରେ ନିଜର ଶ୍ରେଷ୍ଠ ପ୍ରଦର୍ଶନ ଯୋଗୁଁ ଉଚ୍ଚ ପଦାଧିକାରୀଙ୍କଠାରୁ ପ୍ରଶଂସା ମିଳିବ। ଆତ୍ମବିଶ୍ୱାସ ବଢ଼ିବ ଏବଂ ବ୍ୟାଙ୍କ ବାଲାନ୍ସ ମଧ୍ୟ ବୃଦ୍ଧି ପାଇବ।
କୁମ୍ଭ ରାଶି: ଆୟ ବଢ଼ିବା ସହ ଅଧିକ ସଞ୍ଚୟ କରିବାରେ ସଫଳ ହେବେ। ନୂତନ ଚାକିରିର ସୁଯୋଗ ମିଳିପାରେ। ବ୍ୟବସାୟିକ ଅଂଶୀଦାରଙ୍କ ସହଯୋଗରେ ଲାଭ ଦ୍ୱିଗୁଣିତ ହେବ।
