ଥିରୁଭାନନ୍ତପୁରମ୍,୧୦ା୫: କେରଳ ବିଧାନସଭା ନିର୍ବାଚନରେ କଂଗ୍ରେସ ନେତୃତ୍ୱାଧୀନ ୟୁଡିଏଫ୍ ସଂଖ୍ୟାଗରିଷ୍ଠତା ହାସଲ କରିଥିବାବେଳେ କିଏ ମୁଖ୍ୟମନ୍ତ୍ରୀ ହେବେ ସେ ନେଇ ଚୂଡ଼ାନ୍ତ ନିଷ୍ପତ୍ତି ନିଆଯାଇପାରିନାହିଁ। ନେତା ଚୟନ ଲାଗି କଂଗ୍ରେସ ୨ ଜଣ ପର୍ଯ୍ୟବେକ୍ଷକଙ୍କୁ ପଠାଇଥିବାବେଳେ ସେମାନେ ନବନିର୍ବାଚିତ ବିଧାୟକମାନଙ୍କ ମତାମତ ସଂଗ୍ରହ କରି ଦଳ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କୁ ରିପୋର୍ଟ ଦେଇଛନ୍ତି। ମୁଖ୍ୟମନ୍ତ୍ରୀ ପ୍ରାର୍ଥୀ ସମ୍ପର୍କରେ ଦଳ ହାଇକମାଣ୍ଡ ଚୂଡ଼ାନ୍ତ ନିଷ୍ପତ୍ତି ନେବାକୁ ସେମାନେ ନିବେଦନ କରିଛନ୍ତି। ସରକାର ଗଠନ ସମ୍ପର୍କରେ ଆଲୋଚନା ପାଇଁ କଂଗ୍ରେସର କେନ୍ଦ୍ରୀୟ ନେତୃତ୍ୱ କେରଳର ବରିଷ୍ଠ ନେତାମାନଙ୍କୁ ଡାକିଥିବାବେଳେ ପୂର୍ବ ବିଧାନସଭାର ବିରୋଧୀ ଦଳ ନେତା ଭି.ଡି. ସାଥିସାନ, ବରିଷ୍ଠ ନେତା ରମେଶ ଚେନ୍ନିଥାଲା ଏବଂ ପ୍ରଦେଶ କଂଗ୍ରେସ ସଭାପତି ସନ୍ନି ଜୋସେଫ୍ ଦିଲ୍ଲୀରେ ପହଞ୍ଚତ୍ଛନ୍ତି। ମୁଖ୍ୟମନ୍ତ୍ରୀ ଦୌଡ଼ରେ ଏଆଇସିସି ସାଧାରଣ ସମ୍ପାଦକ କେ.ସି. ବେଣୁଗୋପାଳ, ସାଥିସାନ୍ ଏବଂ ଚେନ୍ନିଥାଲା ରହିଛନ୍ତି।
