ଦାରିଙ୍ଗବାଡି, ୯।୫ (ଅରୁଣ ସାହୁ ): କନ୍ଧମାଳ ଜିଲା ଦାରିଙ୍ଗବାଡି ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ରେ ଆମ୍ବୁଲାନ୍ସ ଅଭାବ କୁ ନେଇ ଦେଖାଯାଇଛି ଉତ୍ତେଜନା। ଦିନ ଦ୍ବିପ୍ରହରରୁ ଗୁରୁତର ରୋଗୀଙ୍କୁ ଅଧିକା ଚିକିତ୍ସା ପାଇଁ ଅନ୍ୟତ୍ର ନେବାକୁ ଡାକ୍ତର ପରାମର୍ଶ ଦେଇଥିବା ବେଳେ ସେମାନଙ୍କୁ ଅନ୍ୟତ୍ର ନେବାକୁ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ମିଳୁନି ଆମ୍ବୁଲାନ୍ସ ଫଳରେ ସ୍ୱସ୍ତ୍ୟକେନ୍ଦ୍ରର ଅନ୍ତଃ ବିଭାଗ ସମ୍ମୁଖରେ ରୋଗୀଙ୍କ ସମ୍ପର୍କୀୟ ଓ ସ୍ଥାନୀୟ ଲୋକଙ୍କ ଘଟଣାକୁ ନେଇ ଦେଖାଯାଇଛି ଉତ୍ତେଜନା ଦିନରେ ଅନ୍ୟତ୍ର ଯିବାକୁ ପରାମର୍ଶ ଦିଆଯାଇଥିବା ବେଳେ ସଂଧ୍ୟା ସାଢେ ୭ ଟା ବାଜିଥିଲେ ମଧ୍ୟ ଗୁରୁତର ରୋଗୀଙ୍କୁ ଅନ୍ୟତ୍ର ପଠାଇବା ବ୍ୟବସ୍ଥା ହୋଇପାରି ନ ଥିବା ସ୍ୱାସ୍ଥ୍ୟକେନ୍ଦ୍ରରେ ରୋଗୀଙ୍କ ପାଇଁ କୌଣସି ଉତ୍ତମ ବ୍ୟବସ୍ଥା ନଥିବାରୁ ଅସନ୍ତୋଷ ବୃଦ୍ଧି ପାଇଛି।
ପ୍ରକାଶ ଯେ, ଉକ୍ତ ସ୍ୱାସ୍ଥ୍ୟକେନ୍ଦ୍ର ଅଧୀନରେ ଥିବା ସିଆଙ୍ଗବାଲିର ଅନିତା ପ୍ରଧାନଙ୍କୁ ଅକ୍ସିଜେନ ଦେଇ ରଖାଯାଇଛି କିନ୍ତୁ ତାଙ୍କୁ ଅନ୍ୟତ୍ର ନେବାକୁ ଆମ୍ବୁଲାନ୍ସ ନାହିଁ ସେ ଗୁରୁତର ରହିଥିବା ପରିବାର ଲୋକ କହିଛନ୍ତି ସେହିପରି ଭ୍ରମରବାଡ଼ି ପଞ୍ଚାୟତ କେରୁବାଡିର ସରୋଜିନୀ ମଲିକ ମଧ୍ୟ ଗୁରୁତର ଅବସ୍ଥାରେ ରହିଥିବା ବେଳେ ତାଙ୍କୁ ମଧ୍ୟ ଅନ୍ୟତ୍ର ଅଧିକା ଚିକିତ୍ସା ପାଇଁ ଯିବାକୁ ଡାକ୍ତର ପରାମର୍ଶ ଦେଇଛନ୍ତି କିନ୍ତୁ ଆମ୍ବୁଲାନ୍ସ ନ ଥିବାରୁ ୨ଟି ମହିଳା ରୋଗୀ ଗୁରୁତର ଭାବେ ରହିଥିବା ନାରୀନେତ୍ରୀ ବିଳାସିନୀ ନାୟକ ଅଭିଯୋଗ କରିଛନ୍ତି ସ୍ୱାସ୍ଥ୍ୟକେନ୍ଦ୍ର ର ଅବ୍ୟବସ୍ଥା ପାଇଁ ଜି. ଉଦୟଗିରି ବିଧାୟକଙ୍କ ଦାରିଙ୍ଗବାଡି ପ୍ରତିନିଧି ପ୍ରମୋଦ କୁମାର ଦିଗାଲ, ଚିତ୍ରସେନ ନାୟକ,ମିଖାଇଲ ପ୍ରଧାନ, ରିପୁନ ପ୍ରଧାନଙ୍କ ସମେତ ବହୁ ଲୋକ ଏହାକୁ ପ୍ରତିବାଦ କରିବା ସହ ଆସନ୍ତା ସୋମବାର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରର ସମ୍ମୁଖରେ ଧାରଣା ଦିଆଯିବ ବୋଲି ନାରୀନେତ୍ରୀ ବିଳାସିନୀ ନାୟକ ଚେତାବନି ଦେଇଛନ୍ତି। ଏନେଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଇନଚାର୍ଜ ଡାକ୍ତର ସ୍ୱାଗତ ସେନାପତି କହିଛନ୍ତି ଯେ, ଗୋଟିଏ ରୋଗୀଙ୍କ ପରିବାର ଏବେ ୧୦୮ ଆମ୍ବୁଲାନ୍ସକୁ ଡକାଇଛନ୍ତି । ସେ ଅନ୍ୟତ୍ର ଯିବେ ଆଉ ଗୋଟିଏ ଆମ୍ବୁଲାନ୍ସ ଅନ୍ୟ ରୋଗୀଙ୍କୁ ନେଇ ଯାଇଛନ୍ତି। ସେ ଫେରିଲେ ଅନ୍ୟ ରୋଗୀ ଯାଇପାରିବେ ବୋଲି କହିଛନ୍ତି।
