ଦାରିଙ୍ଗବାଡି,୨୨।୧୧(ଅରୁଣ ସାହୁ): ଓଡିଶାର କଶ୍ମୀର କୁହାଯାଉଥିବା ଦାରିଙ୍ଗବାଡିରେ ଏବେ ପାରଦ ଉପରମୁହାଁ। ଗତ ୩ ଦିନ ତଳେ ପାରଦ ୭ ଡିଗ୍ରୀ ରହିଥିବାବେଳେ ହଠାତ ତାପମାତ୍ରା ଉପରମୁହାଁ ହୋଇ ଶନିବାର ସର୍ବନିମ୍ନ ୧୪ ଡିଗ୍ରୀରେ ପହଞ୍ଚିଛି । ଫଳରେ ଶୀତ ଅନୁଭୂତ କମିଛି। ସେପଟେ ଶନିବାର ଓ ରବିବାର ଛୁଟି କାଟିବାକୁ ଆସୁଥିବା ପର୍ଯ୍ୟଟକ ଦାରିଙ୍ଗବାଡିର ଏଭଳି ଶୀତ ନ ଥିବା ଜାଣି ନିରାଶ ହୋଇଛନ୍ତି। ଭୁବନେଶ୍ୱର ପଟିଆ ଅଞ୍ଚଳର ପର୍ଯ୍ୟଟକ ସମରେନ୍ଦ୍ର ସାହୁ କହିଛନ୍ତି, ସେ ଦାରିଙ୍ଗବାଡି ସମେତ ତୁମୁଡିବନ୍ଧ ଓ ବାଲିଗୁଡା ଅଞ୍ଚଳରେ ବୁଲିବାକୁ ଶୀତ ଶୁଣି ଆସିଥିଲି। ଏବେ ଶୀତ ନ ଥିବାରୁ ମନ ଦୁଃଖ ଲାଗିଲା। ପୁଣି ସେ ଡିସେମ୍ବରରେ ନିଶ୍ଚିତ ଶୀତ ଅନୁଭୂତ କରିବାକୁ ଆସିବି। ପ୍ରତ୍ୟେକ ବର୍ଷ ଆମେ ଏଠାକୁ ଆସୁ ବୋଲି ସେ ତାଙ୍କ ପ୍ରତିକ୍ରିୟାରେ କହିଛନ୍ତି। ତାପମାତ୍ରା କମିବା କାରଣ ପଛରେ ଆସୁଥିବା ଲଘୁଚାପ ବୋଲି କୁହାଯାଉଛି।
Dharitri – Odisha’s No.1 Odia Daily
