ନୂଆଦିଲ୍ଲୀ,୨୧।୮: ଏସିଆ କପ ୨୦୨୫ ଦଳ ଚୟନ ପରେ ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ ମୁଖ୍ୟ ଚୟନକର୍ତ୍ତା ଅଜିତ ଅଗରକରଙ୍କୁ ଏକ ବିଶେଷ ଉପହାର ଦେଇଛି। ଅଜିତ ଅଗରକରଙ୍କୁ ଜୁନ ୨୦୨୩ରେ ଭାରତୀୟ ଦଳର ମୁଖ୍ୟ ଚୟନକର୍ତ୍ତା କରାଯାଇଥିଲା। ତାଙ୍କର କାର୍ଯ୍ୟକାଳ ୨ ବର୍ଷ ପାଇଁ ଥିଲା କିନ୍ତୁ ବର୍ତ୍ତମାନ ଏହାକୁ ଜୁନ ୨୦୨୬ ପର୍ଯ୍ୟନ୍ତ ବୃଦ୍ଧି କରାଯାଇଛି। ସେ ଅନେକ ଥର ଭଲ ଦଳ ଚୟନ କରିଛନ୍ତି। ତାଙ୍କ ଚୟନ ଅଧୀନରେ, ଭାରତୀୟ ଦଳ ୨୦୨୪ ଟି୨୦ ବିଶ୍ୱକପ ଏବଂ ୨୦୨୫ ଚାମ୍ପିଅନ୍ସ ଟ୍ରଫି ଜିତିଥିଲା। ସମ୍ପ୍ରତି ଅଜିତ ଅଗରକର ଏସିଆ କପ ୨୦୨୫ ଚୟନ କରିଛନ୍ତି।
ଅଜିତ୍ ଅଗରକରଙ୍କୁ ଏବେ ଆଉ ଏକ ବଡ଼ ଦାୟିତ୍ୱ ତୁଲାଇବାକୁ ପଡିବ। ଏସିଆ କପ ୨୦୨୫ ପରେ, ଆସନ୍ତା ବର୍ଷ ଭାରତ ଏବଂ ଶ୍ରୀଲଙ୍କାରେ ଆଇସିସି ଟି୨୦ ବିଶ୍ୱକପ ୨୦୨୬ ଖେଳାଯିବ। ଟୁର୍ଣ୍ଣାମେଣ୍ଟର କାର୍ଯ୍ୟସୂଚୀ ଏପର୍ଯ୍ୟନ୍ତ ଆସିନାହିଁ କିନ୍ତୁ ସେହି ଆଇସିସି ଇଭେଣ୍ଟ ଫେବୃଆରୀ-ମାର୍ଚ୍ଚରେ ଅନୁଷ୍ଠିତ ହୋଇପାରେ। କାର୍ଯ୍ୟକାଳ ବୃଦ୍ଧି ପରେ, ଅଗରକର ସେହି ଟୁର୍ନାମେଣ୍ଟ ପାଇଁ ମଧ୍ୟ ଭାରତୀୟ ଦଳ ଚୟନ କରୁଥିବାର ଦେଖାଯାଇପାରିବ।
ଟିମ ଇଣ୍ଡିଆର ବର୍ତ୍ତମାନର ଚୟନ କମିଟିରେ ଅଗରକର, ଏସ.ଏସ. ଦାସ, ସୁବ୍ରୋତୋ ବାନାର୍ଜୀ, ଅଜୟ ରାତ୍ରା ଏବଂ ଏସ. ଶରଥ ସାମିଲ ଅଛନ୍ତି। ସେପ୍ଟେମ୍ବରରେ ଅନୁଷ୍ଠିତ ହେବାକୁ ଥିବା ବାର୍ଷିକ ସାଧାରଣ ବୈଠକ ପରେ ଚୟନ କମିଟିରେ କିଛି ପରିବର୍ତ୍ତନ ହେବ।
