ବାଲେଶ୍ୱର,୧୬।୭: ଭାଇରାଲ ହେଲା ରସିକିଆ ସାର୍ଙ୍କ ଭିଡିଓ। ଭିଡିଓ ଭାଇରାଲ ପରେ ଜଣାପଡିଛି ଅସଲ ସତ। ଏଫଏମ ଛାତ୍ରୀ ସୌମ୍ୟାଙ୍କ ମୃତ୍ୟୁ ଖବର ସାରା ଓଡ଼ିଶାରେ ଚହଳ ପକାଇଛି। ଏହି ଘଟଣାରେ ବିରୋଧୀ ସରକାରଙ୍କୁ ଘେରିଥିବାବେଳେ ଅକଳରେ ପଡିଛନ୍ତି ଭାଜପା ସରକାର। ସେପଟେ ପଦାକୁ ଆସିଛି ରସିକିଆ ସମୀର ସାର୍ଙ୍କ ଭିଡିଓ।
ଜଳିବା ଦିନ କଲେଜ ପ୍ରିନ୍ସପାଲଙ୍କ ଅଫିସରେ ବସିଥିଲା ବଡ଼ ବୈଠକ। ଏହି ବୈଠକରେ ସୌମ୍ୟାଙ୍କ ସମେତ ବରିଷ୍ଠ ଅଧିକାରୀ, ପୋଲିସ ଓ ସମୀର ସାର୍ ମଧ୍ୟ ଉପସ୍ଥିତ ଥିଲେ। ଏହି ସମୟରେ ସୌମ୍ୟାଙ୍କ ଓ ସମୀରଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ଦେଖିବାକୁ ମିଳିଥିଲା। ପ୍ରିନ୍ସପାଲଙ୍କ ଆଗରେ ନିଜ ସ୍ବାଭିମାନ ଟିକକ ବଞ୍ଚାଇବା ପାଇଁ ଏଚଓଡି ସମୀର ସାର୍ଙ୍କୁ ମଧ୍ୟ ଛାଡି ନ ଥିଲେ ସୌମ୍ୟାଙ୍କ। ପ୍ରତିଟି ପ୍ରଶ୍ନର ନିର୍ଭିକ ଭାବେ ଉତ୍ତର ଦେବା ସହ ସିଧାସଳଖ କାଉଣ୍ଟର ମଧ୍ୟ କରିଥିଲେ। ଯାହାକୁ ଶୁଣି ସମସ୍ତେ ଚୁପ୍ ବସିଥିଲେ ହେଁ ସୌମ୍ୟାଙ୍କ ନିଜର ଅଧିକାର ପାଇଁ ଲଢେଇ କରିଥିଲେ। ଭିଡିଓ ଭାଇରାଲ ପରେ ଏବେ ରାଜ୍ୟରେ ଚହଳ ସୃଷ୍ଟି କରିଛି।
କାରଣ ପ୍ରିନ୍ସପାଲଙ୍କ ଅଫିସର ଏହି ଭିଡିଓ ଅନେକ କିଛି ଖୁଲାସା କରୁଛି। ସମୀର ସାର୍ଙ୍କ ବ୍ୟବହାର କଥାବର୍ତ୍ତାରୁ ଅନେକ କିଛି ବାରି ହୋଇପଡୁଛି। ଜଣାପଡୁନି ସାର୍ ଦୋଷ ମାନୁଛନ୍ତି ନା ରାଗିକି ମଧ୍ୟ ମନ ଭିତରେ କୁହୁଳିଛନ୍ତି। ବୈଠକରେ ସମୀରଙ୍କ ଆଡକୁ ଆଙ୍ଗୁଠି ଦେଖାଇ ନିର୍ଭିକରେ ସୌମ୍ୟା କହୁଛନ୍ତି, ଦିନେ ମୁଁ କ୍ଲାସ ଲେଟ୍ରେ ଆସିଥିଲି, ମୋତେ ଜାଣିଶୁଣି ଠିଆ କରେଇଦେଇଥିଲେ। କ୍ଲାସରୁମକୁ ବି ଛାଡିଲେନି। ମୋତେ ମାନସିକ ନିର୍ଯାତନା ଦେଉଥିଲେ। ଏହି କଥାରେ ସମୀର ସାର୍ ଭୁଲ ମାଗିବା ସହ ଏପରି ବ୍ୟବହାର ଆଉ କରିବେ ନାହିଁ ବୋଲି କହିଥିଲେ।
