ଭୁବନେଶ୍ୱର,୨୫।୩: ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଦିଲ୍ଲୀ ଗସ୍ତକୁ ନେଇ ରାଜ୍ୟ ରାଜନୀତି ସରଗରମ ରହିଛି। ସେ କାହିଁକି ଦିଲ୍ଲୀ ଯାଇଥିଲେ ଏନେଇ କିଛି ସ୍ପଷ୍ଟ ହୋଇ ନ ଥିଲେ ବି ରାଜନୀତି ପାଣିପାଗ ଉଷ୍ମ ହୋଇଛି। ଏନେଇ ବିଜେଡିର ବରିଷ୍ଠ ନେତାମାନେ ମଧ୍ୟ କିଛି ପ୍ରତିକ୍ରିୟା ଦେଉନାହାନ୍ତି। ସବୁଠାରୁ ବଡ଼କଥା ହେଉଛି ନବୀନଙ୍କ ପରେ ମୁଖ୍ୟମନ୍ତ୍ରୀ ମୋହନ ମାଝୀ ଦିଲ୍ଲୀ ଯିବା କିଛି ରାଜନୈତିକ ସମୀକରଣକୁ ଇଙ୍ଗିତ କରୁଥିବା ରାଜନୈତିକ ବିଶେଷଜ୍ଞମାନେ ଆକଳନ କରୁଛନ୍ତି।
ଏହାରି ଭିତରେ ରାଜନୀତିରୁ ସନ୍ୟାସ ନେବା ପରେ ଏବେ ଭିକେ ପାଣ୍ଡିଆନଙ୍କୁ ନେଇ ଓଡ଼ିଶା ରାଜନୀତିରେ ନୂଆ ଚର୍ଚ୍ଚା ଆରମ୍ଭ ହୋଇଛି। କୁହାଯାଉଛି ସେ କୁଆଡେ ସବୁଦିନ ପାଇଁ ଓଡ଼ିଶା ଛାଡିଦେବେ। ବିଦେଶରୁ ଆସିଛି ଅଫର, ଚାକିରି ପାଇଁ ପାଣ୍ଡିଆନ ପଳାଇବେ ବୋଲି ବିଭିନ୍ନ ଗଣମାଧ୍ୟମରେ ଏବେ ଖବର ସାମ୍ନାକୁ ଆସିଛି। ଏମତିକି ଶେଷଥର ପାଇଁ ବିଜେଡିର ବରିଷ୍ଠ ନେତାଙ୍କ ସହ କୁଆଡେ ନିଜର ମନକଥା ବାଣ୍ଟୁଛନ୍ତି ପାଣ୍ଡିଆନ। ଏହା କେତେ ଦୂର ସତ ତାହା ଜଣାପଡି ନ ଥିଲେ ବି ପାଣ୍ଡିଆନଙ୍କୁ ନେଇ ଏମିତି ଏକ ଚର୍ଚ୍ଚା ଏବେ ଓଡ଼ିଶା ରାଜନୀତିରେ ଚହଳ ପକେଇଛି। ତେବେ ପାଣ୍ଡିଆନ ଯଦି ସତରେ ଓଡ଼ିଶା ଛାଡୁଛନ୍ତି ଏହା ପଛର କାରଣ କ’ଣ ହୋଇପାରେ? ଦଳ ଭିତରେ ବିରୋଧ ନା ବଡ଼ ଚାକିରିର ଅଫର୍?
ତେବେ ନବୀନ ଦିଲ୍ଲୀ ଯିବା ଆଉ ପାଣ୍ଡିଆଙ୍କୁ ବିଦେଶରୁ ଚାକିରି ଅଫର୍ ଆସିବା ଚର୍ଚ୍ଚା ଏବେ ରାଜ୍ୟ ରାଜନୀତିକୁ ହଲଚଲ କରିଛି। ଏନେଇ ବିଜୟ ମହାପାତ୍ର ବଡ଼ ବୟାନ ଦେଇଛନ୍ତି। ସେ କହିଛନ୍ତି, ନବୀନ ଦିଲ୍ଲୀ କାହିଁକି ଯାଇଛନ୍ତି ନବୀନ ବାବୁ ହିଁ କହିପାରିବେ। ସେହିପରି ଉତ୍ତରାଧିକାରୀ ପ୍ରସଙ୍ଗରେ ବିଜୟ କହିଛନ୍ତି, ନବୀନଙ୍କ ପରିବାରରୁ ବିଜେଡି ରାଜନୀତିକୁ ଆସିବା ସମ୍ଭାବନା କମ। ପୁତୁରା ଅରୁଣ ଓ ଝିଆରୀ ଗାୟତ୍ରୀ ମଧ୍ୟ ନେତୃତ୍ୱ ନେଇପାରିବେ ନାହିଁ। ପରିବାରରେ କେହି ବିଜେଡିର ନେତୃତ୍ୱ ନେଲା ଭଳି ନାହାନ୍ତି। ଦଳରେ ଯାହା ଚାଲିଛି, ବାହାରକୁ ଜଣାପଡୁଛି ଠିକ ଠାକ ନାହିଁ ବୋଲି ବିଜୟ କହିଛନ୍ତି।
ନବୀନ ପଟ୍ଟନାୟକଙ୍କ ଦିଲ୍ଲୀ ଗସ୍ତକୁ ନେଇ ଅରୁଣ ସାହୁ ତାଙ୍କ ପ୍ରତିକ୍ରିୟା ରଖିଛନ୍ତି। ଏହା ସଂପୂର୍ଣ୍ଣ ବ୍ୟକ୍ତିଗତ ବୋଲି ଅରୁଣ ଅରୁଣ କହିଛନ୍ତିି। ଏବେ କୌଣସି ରାଜନୈତିକ ସମୀକରଣ ହେବାର ନାହିଁ। ରାଜନୈତିକ ଆଲୋଚନା ହେଲେ ସମସ୍ତେ ଜାଣିବେ ବୋଲି ଅରୁଣ କହିଛନ୍ତି। ଦିଲ୍ଲୀରେ ନବୀନ ବାବୁଙ୍କ ଘର ଅଛି। ବହୁ ଦିନ ହେବ ଯାଇନଥିଲେ ଏବେ ଗଲେ ବୋଲି ଅରୁଣ କହିଛନ୍ତି।
ତାମିଲନାଡୁ ମୁଖ୍ୟମନ୍ତ୍ରୀ ଏବଂ ଦ୍ରାବିଡ ମୁନେତ୍ର କାଝାଗମ (ଡିଏମକେ) ସଭାପତି ଏମ.କେ. ଷ୍ଟାଲିନଙ୍କ ନେତୃତ୍ୱରେ ସୀମା ର୍ନିଦ୍ଧାରଣ ଉପରେ ମିଳିତ କାର୍ଯ୍ୟ କମିଟି (JAC)ର ପ୍ରଥମ ବୈଠକ ଶନିବାର ଚେନ୍ନାଇରେ ଅନୁଷ୍ଠିତ ହୋଇଯାଇଛି। ବୈଠକର ଅଧ୍ୟକ୍ଷତା କରି, ଏମ.କେ. ଷ୍ଟାଲିନ କହିଛନ୍ତି ଯେ ନିରପେକ୍ଷ ସୀମା ର୍ନିଦ୍ଧାରଣ ଉପରେ ମିଳିତ କାର୍ଯ୍ୟ କମିଟି ବୈଠକରେ ଆମ ସହିତ ଯୋଗ ଦେଇଥିବା କେରଳ, କର୍ନାଟକ, ଆନ୍ଧ୍ର ପ୍ରଦେଶ, ତେଲେଙ୍ଗାନା, ଓଡ଼ିଶା, ପଶ୍ଚିମବଙ୍ଗ ଏବଂ ପଞ୍ଜାବର ନେତାମାନଙ୍କୁ ମୁଁ ହୃଦୟର ସହିତ ସ୍ବାଗତ କରୁଛି। ଆମେ ସୀମା ର୍ନିଦ୍ଧାରଣ ବିରୋଧରେ ନୁହଁ, ଆମେ ନିରପେକ୍ଷ ସୀମା ର୍ନିଦ୍ଧାରଣର ସପକ୍ଷରେ। କର୍ତ୍ତୃତ୍ୱ ପ୍ରତିଷ୍ଠା ପାଇଁ ନିରନ୍ତର ପଦକ୍ଷେପ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ମୁଖ୍ୟମନ୍ତ୍ରୀ ଷ୍ଟାଲିନ ଡିଏମକେ ନେତୃତ୍ୱରେ ଅନୁଷ୍ଠିତ ସର୍ବଦଳୀୟ ବୈଠକକୁ ଏକ ଐତିହାସିକ ମୁହୂର୍ତ୍ତ ଭାବରେ ବର୍ଣ୍ଣନା କରିଛନ୍ତି ଯେଉଁଥିରେ 58ଟି ଦଳ ଗୋଟିଏ ପ୍ରସଙ୍ଗ ପାଇଁ ମତଭେଦକୁ ପାଶୋରି ଅଂଶଗ୍ରହଣ କରିଥିଲେ। ସେ କହିଥିଲେ ଯେ ଏହି ସହମତି ତାମିଲନାଡୁର ଗଣତନ୍ତ୍ର ଏବଂ ନ୍ୟାୟ ପ୍ରତି ଅଟଳ ପ୍ରତିବଦ୍ଧତାକୁ ପ୍ରତିଫଳିତ କରେ। ଷ୍ଟାଲିନ ଏକ ପୃଥକ ଭିଡିଓ ବାର୍ତ୍ତାରେ ଏହା ମଧ୍ୟ କହିଛନ୍ତି ଯେ ଯଦି ପ୍ରସ୍ତାବିତ ସୀମା ର୍ନିଦ୍ଧାରଣ ଯୋଗୁଁ ତାମିଲନାଡୁ ଏବଂ ଅନ୍ୟ ରାଜ୍ୟଗୁଡ଼ିକ ସଂସଦରେ ପ୍ରତିନିଧିତ୍ୱ ହରାଇବେ, ତେବେ ଏହା ସଂଘୀୟତାର ମୂଳଦୁଆ ଉପରେ ଆଘାତ କରିବ, ଗଣତନ୍ତ୍ରକୁ ନଷ୍ଟ କରିବ ଏବଂ ଅଧିକାର ସହିତ ସାଲିସ କରିବ।
ତେବେ ଗୋଟିଏ ପଟେ ମୋଦିଙ୍କ ବିରୋଧରେ ଏହି ବୈଠକ ହେଉଥିବାବେଳେ ତାମିଲନାଡୁରେ ବିରୋଧୀ ଭାରତୀୟ ଜନତା ପାର୍ଟି କଳା ପତାକା ଦେଖାଇ ପ୍ରତିବାଦ କରିଥିଲା ଏବଂ ଷ୍ଟାଲିନଙ୍କୁ କର୍ନାଟକ ଏବଂ କେରଳ ସହିତ କାବେରୀ ଏବଂ ମୁଲ୍ଲାପେରିଆର ଜଳ ବଣ୍ଟନ ବିବାଦ ଉପରେ ଏପରି ବୈଠକ ଡାକି ନଥିବା ଅଭିଯୋଗ କରିଥିଲା।
କର୍ନାଟକର ଉପମୁଖ୍ୟମନ୍ତ୍ରୀ ଡିକେ ଶିବକୁମାର କହିଛନ୍ତି ଯେ ସେ କୌଣସି ମୂଲ୍ୟରେ ତାଙ୍କ ଆସନ ହ୍ରାସ କରିବାକୁ ଦେବେ ନାହିଁ। ସେ ଦାବି କରିଥିଲେ ଯେ ଦକ୍ଷିଣ ଭାରତ ସର୍ବଦା ଜନଗଣନା ନିୟମ ଏବଂ ପରିବାର ନିୟୋଜନ ନୀତି ବଜାୟ ରଖିଛି, ଏହାକୁ ଏକ ପ୍ରଗତିଶୀଳ ଅଞ୍ଚଳ କରିଛି। ଆର୍ଥିକ ଏବଂ ସାକ୍ଷରତା ଦୃଷ୍ଟିରୁ, ଆମେ ସର୍ବଦା ଆଗକୁ କାମ କରିଛୁ। ଆମେ ସବୁବେଳେ କେବଳ ଆମର ସୱାର୍ଥ ନୁହେଁ, ଜାତୀୟ ସୱାର୍ଥକୁ ସୁରକ୍ଷା ଦେଇଆସିଛୁ।
ମୋଦିଙ୍କ ବିରୋଧରେ ବିଜେଡି କରିବ ବଡ଼ ପ୍ଲାନ। ଇଣ୍ଡିଆ ମେଣ୍ଟ ସହ ମିଶି ଭାଜପା ବିରୋଧରେ ମଇଦାନକୁ ଓହ୍ଲାଇବ ବିଜେଡି। ତାମିଲନାଡୁ ମୁଖ୍ୟମନ୍ତ୍ରୀ ଏମ୍.କେ. ଷ୍ଟାଲିନ୍ଙ୍କ ଅଧ୍ୟକ୍ଷତାରେ ଶନିବାର ଅନୁଷ୍ଠିତ ହେବାକୁ ଥିବା ସୀମା ପୁନଃ ନିର୍ଦ୍ଧାରଣ(ଡିଲିମିଟେଶନ) ସମ୍ପର୍କିତ କାର୍ଯ୍ୟାନୁଷ୍ଠାନ କମିଟିର ପ୍ରଥମ ବୈଠକରେ ଓଡ଼ିଶାରୁ ଉଭୟ ବିଜେଡି ଏବଂ କଂଗ୍ରେସ ଯୋଗଦେଇଛନ୍ତି। ଚେନ୍ନାଇରେ ଆରମ୍ଭ ହୋଇଛି ଡିଲିମିଟେସନ ବୈଠକ। ଏଥିରେ ସାମିଲ ହୋଇଛନ୍ତି ଭାଜପା ବିରୋଧୀ ରାଜନୈତିକ ଦଳ। ବୈଠକରେ ବିଜେଡିର ଅମର ପଟ୍ଟନାୟକ ଓ ସଞ୍ଜୟ ଦାସବର୍ମା ସାମିଲ ହୋଇଛନ୍ତି। ମୋଦି ବିରୋଧୀ କ୍ୟାମ୍ପରେ ବିଜେଡିର ଯୋଗଦାନକୁ ନେଇ ଚର୍ଚ୍ଚା ଏବେ ଓଡ଼ିଶାରେ ଚହଳ ପକାଇଛି। ତାମିଲନାଡୁରୁ ଉଠିଥିବା ସୀମା ନିର୍ଦ୍ଧାରଣ ପ୍ରସଙ୍ଗ ଏବେ ଦେଶର ଅନେକ ରାଜ୍ୟରେ ପହଞ୍ଚିଛି। ସୀମା ର୍ନିଦ୍ଧାରଣ ଯୋଗୁଁ ସଂସଦରେ ପ୍ରତିନିଧିତ୍ୱ ହରାଇବାର ସମ୍ଭାବନା ଥିବା ରାଜ୍ୟଗୁଡ଼ିକ ଏବେ ତାମିଲନାଡୁ ମୁଖ୍ୟମନ୍ତ୍ରୀ ଷ୍ଟାଲିନଙ୍କ ଏହି ଲଢ଼େଇରେ ସାମିଲ ହୋଇଛନ୍ତି।
BJD Join Delimitation Meet: ଆଜି ସୀମା ର୍ନିଦ୍ଧାରଣ ପ୍ରସଙ୍ଗରେ ଚେନ୍ନାଇରେ ପ୍ରଥମ ବଡ଼ ବୈଠକ ଅନୁଷ୍ଠିତ ହେବାକୁ ଯାଉଛି। ଏହି ବୈଠକରେ କଂଗ୍ରେସ ସହ ମିଶି ବିଜେଡି ଭାଜପା ବିରୋଧରେ ଆଜି ଆଗାମୀ ଯୁଦ୍ଧ ପାଇଁ ସମରସଜ୍ଜା ଆରମ୍ଭ କରିବ। ତାମିଲନାଡୁ ସରକାର 7ଟି ରାଜ୍ୟର ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିଛନ୍ତି। ଏଥିମଧ୍ୟରୁ ତିନୋଟି ରାଜ୍ୟର ମୁଖ୍ୟମନ୍ତ୍ରୀ, ଗୋଟିଏ ରାଜ୍ୟର ଉପମୁଖ୍ୟମନ୍ତ୍ରୀ ଏବଂ ବାକି ରାଜ୍ୟର ପ୍ରତିନିଧିମାନେ ଏହି ବଡ଼ ବୈଠକରେ ଯୋଗ ଦେବାକୁ ଯାଉଛନ୍ତି।
BJD Join Delimitation Meet: କେନ୍ଦ୍ର ସରକାରଙ୍କ ପକ୍ଷରୁ ହେବାକୁ ଯାଉଥିବା ସୀମା ପୁନଃ ନିର୍ଦ୍ଧାରଣ ଦ୍ୱାରା ଓଡ଼ିଶା ସମେତ ତାମିଲନାଡୁ, କର୍ନାଟକ, କେରଳ, ଆନ୍ଧ୍ରପ୍ରଦେଶ, ପଞ୍ଜାବ, ପଶ୍ଚିମବଙ୍ଗ, ଛତିଶଗଡ଼ ଆଦି ରାଜ୍ୟର ବ୍ୟାପକ କ୍ଷତି ହେବ ବୋଲି ତାମିଲନାଡୁ ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି। ସୀମା ପୁନଃ ନିର୍ଦ୍ଧାରଣ ଦ୍ୱାରା କ୍ଷତି ସହିବାକୁ ଥିବା ୮ ରାଜ୍ୟର ପ୍ରତିନିଧି ଚେନ୍ନାଇଠାରେ ପହଞ୍ଚିବା ପରେ ଷ୍ଟାଲିନ୍ ଏକ୍ସ’ରେ ଉଲ୍ଲେଖକରିଛନ୍ତି, ସଂସଦୀୟ କ୍ଷେତ୍ର ସୀମା ପୁନଃ ନିର୍ଦ୍ଧାରଣ ନେଇ ଚେନ୍ନାଇରେ ହେବାକୁ ଥିବା ପ୍ରଥମ ମିଳିତ କାର୍ଯ୍ୟାନୁଷ୍ଠାନ ବୈଠକକୁ କେରଳ, କର୍ନାଟକ, ତେଲଙ୍ଗାନା, ଆନ୍ଧ୍ରପ୍ରଦେଶ, ଓଡ଼ିଶା, ପଞ୍ଜାବ ଓ ପଶ୍ଚିମବଙ୍ଗର ମୁଖ୍ୟମନ୍ତ୍ରୀମାନଙ୍କୁ ସ୍ବାଗତ।
BJD Join Delimitation Meet: ସୀମା ର୍ନିଦ୍ଧାରଣକୁ ବିରୋଧ କରିବା ପାଇଁ ସିଏମ ଷ୍ଟାଲିନଙ୍କ ନେତୃତ୍ୱରେ ଏକ ମିଳିତ କାର୍ଯ୍ୟ କମିଟି ଗଠନ କରାଯାଇଛି। ଏହି କମିଟିର ପ୍ରଥମ ବୈଠକ ଆଜି ଅନୁଷ୍ଠିତ ହେବ। ଏହି ବୈଠକର ଉଦ୍ଦେଶ୍ୟ ହେଉଛି ସୀମା ର୍ନିଦ୍ଧାରଣ ପ୍ରକ୍ରିୟାକୁ ବନ୍ଦ କରିବା ଏବଂ ରାଜ୍ୟଗୁଡ଼ିକ ମଧ୍ୟରେ ଏକତା ପ୍ରତିଷ୍ଠା କରିବା ପାଇଁ ସମସ୍ତ ସମ୍ଭାବ୍ୟ ପ୍ରୟାସର ରୂପରେଖା ପ୍ରସ୍ତୁତ କରିବା।
BJD Join Delimitation Meet: ଗତ ୫ ଦଶନ୍ଧି ଧରି ଦେଶରେ କୌଣସି ସୀମା ର୍ନିଦ୍ଧାରଣ ହୋଇନାହିଁ। ଏହା ୨୦୨୬ ପରେ ନିଶ୍ଚିତ ହେବ ବୋଲି ବିଶ୍ୱାସ କରାଯାଉଛି। ସୀମା ର୍ନିଦ୍ଧାରଣରେ, ଜନସଂଖ୍ୟା ଅନୁସାରେ ଲୋକ ସଭା ଆସନ ବଣ୍ଟନ କରାଯିବ। ଅର୍ଥାତ ଅଧିକ ଜନସଂଖ୍ୟା ଥିବା ରାଜ୍ୟ ଅଧିକ ଆସନ ପାଇବ ଏବଂ କମ ଜନସଂଖ୍ୟା ଥିବା ରାଜ୍ୟ କମ ଆସନ ପାଇବ।
BJD Join Delimitation Meet: ଯଦି ଆମେ ୨୦୧୧ ମସିହାର ଜନସଂଖ୍ୟା ତଥ୍ୟ ଉପରେ ନଜର ପକାଇବା, ତେବେ ଉତ୍ତର ଭାରତୀୟ ରାଜ୍ୟଗୁଡ଼ିକରେ ଜନସଂଖ୍ୟାରେ ବିପୁଳ ବୃଦ୍ଧି ଘଟିଛି, ଯେତେବେଳେ ଦକ୍ଷିଣ ଭାରତୀୟ ରାଜ୍ୟଗୁଡ଼ିକରେ ଜନସଂଖ୍ୟା ନିୟନ୍ତ୍ରଣରେ ରହିଛି। ଏପରି ପରିସ୍ଥିତିରେ, ଏହା ସ୍ପଷ୍ଟ ଯେ ଉତ୍ତର ଭାରତର ରାଜ୍ୟ ଯେପରିକି ୟୁପି, ବିହାର, ରାଜସ୍ଥାନ, ଏମପିରେ ଲୋକସଭା ଆସନରେ ବଡ଼ ବୃଦ୍ଧି ହେବ, ଯେତେବେଳେ ତାମିଲନାଡୁ, କେରଳ, କର୍ନାଟକ, ତେଲେଙ୍ଗାନା ଭଳି ଦକ୍ଷିଣ ଭାରତୀୟ ରାଜ୍ୟଗୁଡ଼ିକର ପ୍ରତିନିଧିତ୍ୱ ସଂସଦରେ ହ୍ରାସ ପାଇବ। ଏହି କାରଣରୁ ଦକ୍ଷିଣ ଭାରତୀୟ ରାଜ୍ୟଗୁଡ଼ିକ ଏହି ପ୍ରସଙ୍ଗରେ କେନ୍ଦ୍ର ସହିତ ମୁହାଁମୁହିଁ ହୋଇଛନ୍ତି।
