ଗଓ୍ବାଲିଅର,୭।୧: ମଧ୍ୟପ୍ରଦେଶ ଗୱାଲିଅରରେ ଏକ ଲୋମଟାଙ୍କୁରା ଘଟଣା ସାମ୍ନାକୁ ଆସିଛି। କୋଲକାତା ଆରଜି ମେଡିକାଲ ଘଟଣା ପରେ ଗଓ୍ବାଲିଅରର ଏହି ଘଟଣା ସମସ୍ତଙ୍କର ଛାତି ଥରେଇ ଦେଇଛି। କୋଲକାତାରେ ଜଣେ ମହିଳା ଡାକ୍ତରଙ୍କୁ ଜଣେ ନିଶାସକ୍ତ ପାଗଳ ବ୍ୟକ୍ତି ବଳାତ୍କାର ପରେ ହତ୍ୟା କରିଥିବାବେଳେ ଏଠାରେ ଜଣେ ଡାକ୍ତରଙ୍କୁ ଆଉଜଣେ ଡାକ୍ତର ବଳାତ୍କାର କରିଛନ୍ତି।
ସୂଚନାଥାଉ କି, ସିନିୟର ଡାକ୍ତର ପ୍ରଥମେ ତାଙ୍କର ଏକ ଜୁନିଅର ଡାକ୍ତରଙ୍କୁ ଏକ ନିଛାଟିଆ କୋଠାକୁ ଡାକିଥିଲେ ଏବଂ ପରେ ତାଙ୍କୁ ବଳାତ୍କାର କରିଥିଲେ। ବର୍ତ୍ତମାନ ଜୁନିଅର ଡାକ୍ତରଙ୍କ ଅଭିଯୋଗ ଅନୁଯାୟୀ ପୋଲିସ ବଳାତ୍କାର ମାମଲା ରୁଜୁ କରି ସିନିୟର ଡାକ୍ତରଙ୍କୁ ଅଭିଯୁକ୍ତ କରିଛି। ଅଭିଯୁକ୍ତକୁ ଗିରଫ କରି ଘଟଣାର ତଦନ୍ତ କରାଯାଉଛି। ବଳାତ୍କାରର ଏହି ଘଟଣା ଗୱାଲିଅର ଗଜରା ରାଜା ମେଡିକାଲ କଲେଜର ସିନିୟର ବୟଜ ହଷ୍ଟେଲ ବିଲଡିଂରେ କରାଯାଇଛି। କୁହାଯାଉଛି ଯେ ପୀଡିତା ଜୁନିଅର ମହିଳା ଡାକ୍ତରଙ୍କ ଏମବିବିଏସ ବ୍ୟାକ୍ ପେପର୍ ରହିଥିଲା, ଯେଉଁଥିପାଇଁ ସେ ରବିବାର ମେଡିକାଲ କଲେଜକୁ ପରୀକ୍ଷା ପାଇଁ ଆସିଥିଲେ। ଏହି ସମୟରେ ଅଭିଯୁକ୍ତ ଡାକ୍ତର ପୀଡିତାଙ୍କୁ ଡାକି ତାଙ୍କୁ ହଷ୍ଟେଲକୁ ଦେଖାହେବାକୁ ଡାକିଥିଲେ। ପୀଡିତା ଅଭିଯୁକ୍ତ ଡାକ୍ତରଙ୍କୁ ପୂର୍ବରୁ ଜାଣିଥିଲେ ତେଣୁ ସେ ତାଙ୍କୁ ଭେଟିବା ପାଇଁ ହଷ୍ଟେଲରେ ପହଞ୍ଚିଥିଲେ। ଏହି ହଷ୍ଟେଲ ବିଲଡିଂ ଗତ କିଛି ବର୍ଷ ଧରି ବନ୍ଦ ରହିଥିଲା। ପୋଲିସର ସୂଚନାନୁସାରେ ଅଭିଯୁକ୍ତ ସଞ୍ଜୟ କୁମାର ଉକ୍ତ ବନ୍ଦ ହଷ୍ଟେଲରେ ପୀଡିତାଙ୍କୁ ବଳାତ୍କାର କରିଥିଲେ। ଏହା ପରେ ମହିଳା ଡାକ୍ତର କାମ୍ପୁ ଥାନାରେ ଏନେଇ ଅଭିଯୋଗ କରିଛନ୍ତି। ଯେଉଁଥିରେ ପୋଲିସ ଅଭିଯୁକ୍ତ ଡକ୍ଟର ସଞ୍ଜୟ କୁମାରଙ୍କ ବିରୋଧରେ ବଳାତ୍କାର ବିଭାଗରେ ଏକ ମାମଲା ରୁଜୁ କରି ତାଙ୍କୁ ଗିରଫ କରିଛି।
