ଭୁବନେଶ୍ୱର,୧୬।୯ (ଅଭୟ ଦାଶ): ଖିମ୍ଜୀ ଜୁଏଲର୍ସର ଏକ୍ସକ୍ଲୁସିଭ ଆଉଟଲେଟ ରବିବାର ଭୁବନେଶ୍ୱରର ସାମନ୍ତରାପୁର ଛକଠାରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ଖିମ୍ଜୀ ଜୁଏଲର୍ସର ଚେୟାରମ୍ୟାନ ଦିନେଶ ଖିମ୍ଜୀ ସମ୍ମାନିତ ଅତିଥି ଭାବେ ଯୋଗ ଦେଇ ଆନୁଷ୍ଠାନିକ ଭାବେ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଖିମ୍ଜୀ ଜୁଏଲର୍ସର ପରିଚାଳନା ନିର୍ଦ୍ଦେଶକ କିଶୋର ଖିମଜୀ, ନିର୍ଦ୍ଦେଶକ ମିତେଶ୍ ଖିମ୍ଜୀ, ନିର୍ଦ୍ଦେଶକ ସୁମିତ୍ ଖିମ୍ଜୀ ଏବଂ ଖିମ୍ଜୀ ପରିବାରର ସଦସ୍ୟ ଓ ଅନ୍ୟମାନେ ଉପସ୍ଥିତ ଥିଲେ।
ସେହିଭଳି ୬୦୦୦ବର୍ଗଫୁଟ ପରବ୍ୟାପ୍ତ ସ୍ଥାନରେ ଗଢ଼ି ଉଠିଥିବା ଏହି ନୂତନ ଶୋ’ରୁମ୍ରେ ସୁନା, ହୀରା, ପ୍ଲାଟିନମ୍ ଏବଂ ରୁପା ଅଳଙ୍କାରର ବିସ୍ତୃତ କଲେକ୍ସନ ସହିତ ବିଭିନ୍ନ ପ୍ରକାର ଫ୍ୟାଶନ୍ ଗହଣା ଏବଂ କର୍ପୋରେଟ୍ ଉପହାରର ସମ୍ଭାର ଉପଲବ୍ଧ ରହିଛି। ସେହିପରି ଏହି ସ୍ବତନ୍ତ୍ର ଅବସରକୁ ସ୍ମରଣୀୟ କରିବା ପାଇଁ ଖିମଜୀ ଜୁଏଲର୍ସ ପକ୍ଷରୁ ସୁନା ଅଳଙ୍କାର ଗଢ଼ା ମଜୁରି ଉପରେ ୪୦% ରିହାତି ପ୍ରଦାନ କରାଯାଉଛି। ଏପରିକି ହୀରାଗହଣା ମୂଲ୍ୟରେ ୨୦% ରିହାତି ଏବଂ ରୁପାର ଗଢ଼ା ମଜୁରିରେ ୨୦% ରିହାତି ଏବଂ ରୁପାର ଏମ୍ଆର୍ପି ସାମଗ୍ରୀ ଉପରେ ୧୦% ଉଦଘାଟନୀ ରିହାତି ପ୍ରଦାନ କରାଯାଉଛି।
ଏ ସମ୍ପର୍କରେ ଖିମଜୀ ଜୁଏଲର୍ସର ନିର୍ଦ୍ଦେଶକ ମିତେଶ ଖିମଜୀ କହିଛନ୍ତି, ଆମର ଏହି ନୂତନ ଶୋ’ରୁମ୍ ଗ୍ରାହକଙ୍କୁ ଶ୍ରେଷ୍ଠ ଅଳଙ୍କାର ପ୍ରଦାନ କରିବା ପାଇଁ ବ୍ରାଣ୍ଡ୍ର ଅତୁଟ ପ୍ରତିଶ୍ରୁତିବଦ୍ଧତାର ପ୍ରତୀକ ହୋଇଥିଲାବେଳେ ଆମର ପୃଷ୍ଠପୋଷକଙ୍କ ନିରନ୍ତର ସମର୍ଥନ ଓ ଆନୁଗତ୍ୟ ପାଇଁ ଆମେ କୃତଜ୍ଞ ଅଛୁ। ଏହି ଷ୍ଟୋର ଭୁବନେଶ୍ୱରରେ ଆମର ଗ୍ରାହକମାନଙ୍କ ପାଇଁ ସପିଂ ଅଭିଜ୍ଞତାରେ ଉନ୍ନତି ଆଣିବା ସହିତ ଆମର ସମର୍ପଣର ଏକ ପ୍ରମାଣ ବୋଲି ସେ ବିସ୍ତୃତ ଭାବେ ମତପ୍ରକାଶ କରିଥିଲେ। ଏହି ଅବସରରେ ଆମେ ଆମର କୃତଜ୍ଞତାର ପ୍ରତୀକ ଭାବେ ସ୍ବତନ୍ତ୍ର ରିହାତି ପ୍ରଦାନ କରୁଛୁ।
ଉଲ୍ଲେଖଯୋଗ୍ୟ, ଭୁବନେଶ୍ୱରରେ ଖିମଜୀ ଜୁଏଲର୍ସର ଏହା ୪ର୍ଥ ଏବଂ ଓଡ଼ିଶାରେ ୯ମ ଶୋ‘ରୁମ ବୋଲି ପ୍ରତିଷ୍ଠାନ ପକ୍ଷରୁ ବିସ୍ତୃତ ଭାବେ ସୂଚନା ଦିଆଯାଇଛି। ଅପରପକ୍ଷରେ ଆଧୁନିକ ଡିଜାଇନ୍ ଏବଂ ବିଳାସପୂର୍ଣ୍ଣ ପରିବେଶ ସହିତ ଏହି ଶୋ’ରୁମକୁ ଏକ ଅବିସ୍ମରଣୀୟ ଅଳଙ୍କାର-ସପିଂ ଅନୁଭୂତି ପ୍ରଦାନ କରିବା ପାଇଁ ଯତ୍ନର ସହ ଡିଜାଇନ୍ କରାଯାଇଛି। ଏହି ଷ୍ଟୋରର ଲେଆଉଟ୍ ଗ୍ରାହକଙ୍କୁ ଖିମଜୀ ଜୁଏଲର୍ସର ଅସାଧାରଣ କାରିଗରି, କାଳଜୟୀ ସୁନା ଏବଂ ହୀରା ଅଳଙ୍କାରଠାରୁ ଆରମ୍ଭ କରି ସ୍ବତନ୍ତ୍ର ପ୍ଲାଟିନମ୍ ପିସ୍ ଏବଂ ଅଭିନବ ରୁପା ଏବଂ ଫ୍ୟାଶନ ଅଳଙ୍କାରକୁ କ୍ରୟ କରିବାର ସୁଯୋଗ ପ୍ରଦାନ କରିଥାଏ। ଏଠାରେ କର୍ପୋରେଟ୍ ଗିଫ୍ଟିଂ ସଲ୍ୟୁସନର ବଢୁଥିବା ଚାହିଦାକୁ ମଧ୍ୟ ପୂରଣ କରିବା ସହିତ କର୍ପୋରେଟ୍ ଗ୍ରାହକଙ୍କ ପାଇଁ ଅନନ୍ୟ ଏବଂ ସ୍ବତନ୍ତ୍ର ଉତ୍ପାଦ ପ୍ରଦାନ କରିଥାଏ। ଏହି ନୂତନ ଷ୍ଟୋର୍ ଅସାଧାରଣ ମୂଲ୍ୟ ଏବଂ ଏକ ସ୍ମରଣୀୟ ସପିଂ ଅନୁଭୂତି ପ୍ରଦାନ କରିବା ପାଇଁ ସମର୍ପିତ ରହିଛି।
