ପାଟନା,୯।୯: ବିହାରର ରାଜଧାନୀ ପାଟନାରେ ସୋମବାର ସକାଳେ ଜଣେ ଭାଜପା ନେତାଙ୍କୁ ଗୁଳି କରି ହତ୍ୟା କରାଯାଇଛି। ପାଟନା ସହରର ମଙ୍ଗଲ ତାଲାବ ନିକଟ ମନୋଜ କମଲିଆ ଗେଟରେ ଏହି ଘଟଣା ଘଟିଛି। ସକାଳେ ସକାଳେ ଗୁଳିର ଶବ୍ଦ ରାଜଧାନୀକୁ ଥରାଇ ଦେଇଥିଲା। ମୃତକଙ୍କ ହେଲେ ଭାଜପା ନେତା ଶ୍ୟାମ ସୁନ୍ଦର ଓରଫ ମୁନ୍ନା ଶର୍ମା । ଏହି ଘଟଣା ଭୋର ପ୍ରାୟ ୪ଟା ବେଳେ ଘଟିଥିବା କୁହାଯାଉଛି। କମଲିଆ ଫାଟକ ନିକଟରେ ପହଞ୍ଚିବା ସମୟରେ ଅପରାଧୀମାନେ ତାଙ୍କ ଉପରକୁ ଗୁଳି ଚଳାଇଥିଲେ। ଶ୍ୟାମ ସୁନ୍ଦର ଭାଜପାର ପାଟନା ସିଟି ଚୌକର ପୂର୍ବତନ ମ୍ୟୁନିସିପାଲିଟି ବୋର୍ଡ ସଭାପତି ଥିଲେ।
ଏହି ମାମଲାରେ ଘଟଣାସ୍ଥଳରେ ପହଞ୍ଚିଥିବା ପୋଲିସ ଅଧିକାରୀ କହିଛନ୍ତି ଯେ ସକାଳ ୬ଟାରେ ସୂଚନା ମିଳିଥିଲା ଯେ ମୁନା ଶର୍ମା ନାମକ ଜଣେ ବ୍ୟକ୍ତିଙ୍କୁ ଅପରାଧୀମାନେ ହତ୍ୟା କରିଛନ୍ତି। ତାଙ୍କ ପରିବାର ସଦସ୍ୟ ତାଙ୍କୁ ଡାକ୍ତରଖାନା ନେଇଥିଲେ କିନ୍ତୁ ସେତେବେଳକୁ ତାଙ୍କର ମୃତ୍ୟୁ ହୋଇଥିଲା। ଘଟଣାର ଚାରିପାଖରେ ଥିବା ସିସିଟିଭି ଯାଞ୍ଚ କରାଯାଉଛି। ଅନୁସନ୍ଧାନ କରାଯାଉଛି । ଘଟଣା ସମ୍ପର୍କରେ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
