ନୂଆଦିଲ୍ଲୀ,୧ା୮: ଆମ ଆଦ୍ମୀ ପାର୍ଟି(ଏଏପି)ର ରାଜ୍ୟ ସଭା ଏମ୍ପି ରାଘବ ଚଢ଼ା ଗୁରୁବାର ରାଜ୍ୟ ସଭାରେ ଏକ ବଡ଼ ଦାବି କରିଛନ୍ତି। ସେ କହିଛନ୍ତି, ମୁଁ ଯେଉଁ ପ୍ରସଙ୍ଗ ଉପରେ କହିବାକୁ ଚାହୁଁଛି ତାହା ମୋ’ ହୃଦୟର କଥା। ରାଜନୀତିରେ ଯୁବକମାନଙ୍କ ଅଂଶଗ୍ରହଣ ସମ୍ପର୍କରେ ସେ କହିଛନ୍ତି, ଭାରତ ହେଉଛି ବିଶ୍ୱର ସବୁଠାରୁ କନିଷ୍ଠ ଦେଶ। ଦେଶର ହାରାହାରି ବୟସ ମାତ୍ର ୨୯ ବର୍ଷ। ଜନସଂଖ୍ୟାର ୬୫ ପ୍ରତିଶତ ୩୫ ବର୍ଷରୁ କମ୍। ଅଧା ଜନସଂଖ୍ୟା ୨୫ ବର୍ଷରୁ କମ୍।
Today in Parliament I demanded that the minimum age for contesting elections in India be reduced 𝐟𝐫𝐨𝐦 𝟐𝟓 𝐲𝐞𝐚𝐫𝐬 𝐭𝐨 𝟐𝟏 𝐲𝐞𝐚𝐫𝐬.
Please listen to my heartfelt appeal pic.twitter.com/qfbLvQJRpV
— Raghav Chadha (@raghav_chadha) August 1, 2024
ସେ କହିଛନ୍ତି, ‘ଆମ ଦେଶ ଯୁବକ ହେବା ସହିତ ସମାନ ଅନୁପାତରେ ନିର୍ବାଚିତ ପ୍ରତିନିଧିମାନେ ଯୁବକମାନଙ୍କଠାରୁ ଦୂରେଇ ଯାଉଛନ୍ତି। ଆଜି ଆମ ଯୁବ ଦେଶ ବୃଦ୍ଧ ରାଜନେତାଙ୍କ ଦ୍ୱାରା ପରିଚାଳିତ ହେଉଛି। ଯେଉଁଠାରେ ଦେଶରେ ଯୁବ ରାଜନେତାଙ୍କ ଆବଶ୍ୟକତା ରହିଛି।’
ସେ ଆହୁରି ମଧ୍ୟ କହିଛନ୍ତି, ଆମ ଦେଶରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାର ବୟସ ୨୫ ବର୍ଷ। ଲୋକ ସଭା ହେଉ କିମ୍ବା ବିଧାନସଭା। ଆପଣଙ୍କ ମାଧ୍ୟମରେ ମୁଁ ସରକାରଙ୍କୁ ଅନୁରୋଧ କରିବାକୁ ଚାହୁଁଛି ଯେ, ବୟସ ୨୫ରୁ ୨୧ବର୍ଷକୁ ହ୍ରାସ କରନ୍ତୁ। ଯଦି ଜଣେ ୨୧ ବର୍ଷ ବୟସ୍କ ଯୁବକ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଚାହାନ୍ତି ତେବେ ତାଙ୍କୁ ଅନୁମତି ମିଳିବା ଉଚିତ୍।
