କାବୁଲ,୧୮ା୫(ଆଇଏଏନ୍ଏସ୍): ଆମେରିକା ବାୟୁସେନା ଭୁଲ୍ରେ ସହଯୋଗୀ ଆଫଗାନିସ୍ତାନକୁ ଟାର୍ଗେଟ କରିଛି। ଏହି ଆକ୍ରମଣରେ ୪ ଆମେରିକୀୟ କମାଣ୍ଡରଙ୍କ ସମେତ ୩୫ ପୋଲିସ କର୍ମଚାରୀ ନିହତ ହୋଇଥିବାବେଳେ ଅନ୍ୟ ୧୪ ଜଣ ଆହତ ହୋଇଛନ୍ତି।
ଆଫଗାନିସ୍ତାନର ହେଲମଣ୍ଡ ପ୍ରଦେଶସ୍ଥିତ ନହର-ଇ-ସରାଜ ଜିଲାର ଅତ୍ତାଉଲ୍ଲାହରେ ତାଲିବାନ ଆତଙ୍କବାଦୀ ଓ ଆଫଗାନିସ୍ତାନ ସୁରକ୍ଷା ବଳ ମଧ୍ୟରେ ଗୁରୁବାର ରାତିସାରା ସଂଘର୍ଷ ଚାଲିଥିଲା।
ତାଲିବାନ ରାଜପଥ ଉପରେ ଅବସ୍ଥିତ କେତେକ ସୁରକ୍ଷା ଚେକ୍-ପୋଷ୍ଟ ଉପରେ ଆକ୍ରମଣ କରିଥିବାବେଳେ ପୋଲିସ ସେମାନଙ୍କୁ ଘଉଡ଼ାଇବା ଲାଗି ଉଦ୍ୟମ ଚଳାଇଥିଲା। ଏହି ସମୟରେ ଆମେରିକା ବାୟୁସେନା ସୁରକ୍ଷା ବଳ ସପକ୍ଷରେ ଆକାଶମାର୍ଗରୁ ଆକ୍ରମଣ କରିଥିଲା। କିନ୍ତୁ ଭୁଲବଶତଃ ଏଥିରେ ଆଫଗାନିସ୍ତାନ ସୁରକ୍ଷା ବଳର ୩୫ ଜଣ ନିହତ ହୋଇଛନ୍ତି।
