ଫୁଲବାଣୀ ଅଫିସ,୧୦ା୮-କୁଇ ସମାଜ ସେବା ସମିତି ପକ୍ଷରୁ ଶୁକ୍ରବାର ବିଶ୍ୱ ଆଦିବାସୀ ଦିବସ ପାଳିତ ହୋଇଯାଇଛି। ଏହି ଅବସରରେ ଏକ ରାଲି ମାଦିକୁନ୍ଦା ଛକରୁ ବାହାରିଥିଲା। କେତେଜଣ ଆଦିବାସୀ ପାରମ୍ପରିକ ବେଶରେ ସଜ୍ଜିତ ହୋଇ ଅସ୍ତ୍ରଶସ୍ତ୍ର ଧରିଥିଲେ। ସମସ୍ତେ ଶୋଭାଯାତ୍ରାରେ ସହର ପରିକ୍ରମା କରି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚତ୍ଥିଲେ। ସେଠାରେ ଏକ ପ୍ରତିବାଦ ସଭାର ଆୟୋଜନ କରାଯାଇଥିଲା। ଦେଶରେ ବସବାସ କରୁଥିବା ଆଦିବାସୀମାନଙ୍କୁ ସୁରକ୍ଷା ପ୍ରଦାନ କରାଯାଉନାହିଁ। ତାଙ୍କର ଭାଷା, ସଂସ୍କୃତି ଓ ପରମ୍ପରା ଲୋପ ପାଇବାକୁ ବସିଲାଣି। ଏହାର ସୁରକ୍ଷା ଆବଶ୍ୟକ। ଆଦିବାସୀମାନଙ୍କର ସାମାଜିକ, ଆର୍ଥତ୍କ, ଶିକ୍ଷା, ସ୍ବାସ୍ଥ୍ୟର ବିକାଶ ପ୍ରତି ଧ୍ୟାନ ଦିଆଯାଉନାହିଁ। ସେମାନଙ୍କ ଜନ୍ମଗତ ଅଧିକାର ଜଙ୍ଗଲ, ଜଳ ଓ ଜମିକୁ ଛଡାଇ ନିଆଯାଇ ଶିଳ୍ପ ପ୍ରତିଷ୍ଠା କରାଯାଉଛି। ସରକାର ଏ ଦିଗରେ ଦୃଷ୍ଟି ଦିଅନ୍ତୁ। ସେହିପରି ଆଦିବାସୀ କୁଇ ସମାଜ ଦ୍ୱାରା ତଦାରଖ ପରେ ବାସସ୍ଥାନ, ଜାତି ଓ ସମ୍ପତ୍ତି ପ୍ରମାଣପତ୍ର ପ୍ରଦାନ କରାଯାଉ। କୁଇ ସମାଜ ଦୃଷ୍ଟିଗୋଚରରେ ଜମି ପଟ୍ଟା ପ୍ରଦାନ କରିବା, ଅନାବାଦୀ, ପତିତ, ଗୋଚର ଓ ମଶାଣୀ ଜମିକୁ ଆଦିବାସୀ କୁଇ ସମାଜକୁ ହସ୍ତାନ୍ତର କରିବା, ଫୁଲବାଣୀ ହାଟପଦା ଜମି ଚିହ୍ନଟ ତୁରନ୍ତ କରିବା, ୧୯୯୨ର ଆଦିବାସୀମାନଙ୍କ ରେକର୍ଡ଼ ଅନ୍ତର୍ଭୁକ୍ତ ଜମି ଜବରଦଖଲକାରୀଙ୍କଠାରୁ ପୁନରୁଦ୍ଧାର କରିବା, କନ୍ଧମାଳ ଜିଲାକୁ ମଦମୁକ୍ତ ଘୋଷଣା କରିବା ଉପରେ ସଭାପତି ଗୋବିନ୍ଦ ଚନ୍ଦ୍ର ଘଟାଲ, ସାଧାରଣ ସମ୍ପାଦକ ଶ୍ରୀନିବାସ ମଲ୍ଲିକ, ଯୁଗ୍ମ ସମ୍ପାଦକ ସୁଦର୍ଶନ କହଁର, ନିଖିଳ ଉତ୍କଳ କୁଇସମାଜ ସଭାପତି ଭାସ୍କର ପ୍ରଧାନ, ଉପଦେଷ୍ଟା ଶଙ୍କର କହଁର, ଫିରିଙ୍ଗିଆ ଶାଖା ସଭାପତି ରାଜେନ୍ଦ୍ର କହଁର, କୁଇ ଭାଷା ମଞ୍ଚ ସଭାପତି ଦୀନବନ୍ଧୁ କହଁର, ଅନ୍ତର୍ଯ୍ୟାମୀ କହଁର, ଶ୍ରମିକ ନେତା ଘନ ଶବର ପ୍ରମୁଖ ଦାବି ରଖିଥିଲେ। ଶେଷରେ ଅତିରିକ୍ତ ଜିଲାପାଳ ବସନ୍ତ କୁମାର ସାହୁଙ୍କ ଜରିଆରେ ଦାବି ସମ୍ବଳିତ ପତ୍ର ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ପଠା ଯାଇଥିଲା।
