ନୀଳଗିରି,୨୩।୧୦(ପ୍ରଶାନ୍ତ ବିଶ୍ୱାଳ):ବାଲେଶ୍ୱର ଜିଲା ନୀଳଗିରି ଥାନା ମିତ୍ରପୁର ରାସ୍ତାର ଚଣ୍ଡୀପୁର ଠାରେ ଏକ ଅଭାବନୀୟ ଘଟଣା ଘଟିଛି। ସୋମବାର ମଧ୍ୟାହ୍ନ ସମୟରେ ପବିତ୍ର ଦୁର୍ଗାପୂଜାର ନବମ ଦିନ ଅବସରରେ ବାଲେଶ୍ୱର ଭୀମପୁରା ଅଞ୍ଚଳର ମା’ ପଦ୍ମାବତୀ ଦେ ପୁଅ ଶିବଶଙ୍କର ଦେ ଓ ନାତି ପ୍ରଣବ ଦେ ସାଙ୍ଗରେ ଏକ ସ୍କୁଟିରେ ପଞ୍ଚଲିଙ୍ଗେଶ୍ୱରକୁ ଯିବା ସମୟରେ ନୀଳଗିରି ମିତ୍ରପୁର ରାସ୍ତାର ଚଣ୍ଡୀପୁର ଛକରେ ଟ୍ରକ ସାଇଡ୍ରେ ବାଜିଜିବାରୁ ଟ୍ରକ ଚକା ତଳେ ପଡି ମହିଳା ପଦ୍ମାବତୀଙ୍କ ମୃତ୍ୟୁ ହୋଇଛି। ପୁଅ ଓ ନାତି ଅଳ୍ପକେ ବର୍ତ୍ତିଯାଇଛନ୍ତି।
ସୂଚନା ଥାଉକି, ଏହି ଦୁର୍ଘଟଣା ଟ୍ରକଟି ନୀଳଗିରି ମିତ୍ରପୁର ରାସ୍ତା ନିର୍ମାଣ କାର୍ଯ୍ୟରେ ନିୟୋଜିତ ଥିବା ଅଭିଯୋଗ କରି ସ୍ଥାନୀୟ ଲୋକେ ମୃତକ ମହିଳାଙ୍କୁ ନ୍ୟାୟ ଦେବା ପାଇଁ କିଛି ସମୟ ପାଇଁ ରାସ୍ତା ରୋକୋ କରିଥିଲେ। ଫଳରେ ସେଠାରେ ଉତ୍ତେଜନା ସୃଷ୍ଟି ହୋଇଥିଲା। ପରେ ଦୁର୍ଘଟଣାର ଖବର ପାଇ ନୀଳଗିରି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଓ ଟ୍ରକ ଜବତ କରିଥିଲେ। ସ୍ଥାନୀୟ ଲୋକଙ୍କୁ ବୁଝାସୁଝା କରି ରାସ୍ତା ରୋକେ ଉଠାଇ ମୃତଦେହ ବ୍ୟବଚ୍ଛେଦ ପାଇଁ ନୀଳଗିରି ହସ୍ପିଟାଲକୁ ପଠାଇଥିଲେ।
