ବାସୁଦେବପୁର, ୫ା୮(ନାରାୟଣ ପ୍ରସାଦ ବାରିକ୍): ଲଘୁଚାପ ଜନିତ ଲଗାଣ ବର୍ଷା ଯୋଗୁ ବାସୁଦେବପୁର ବ୍ଲକର ଗମେଈ, କାଂଶବାଂଶ, କଞ୍ଚୁଡ଼ି, ନୂଆନଦୀ ସମେତ ମନ୍ତେଇ ନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି। କାଂଶବାଂଶ ନଦୀରେ ବନ୍ୟା ଆସିବା ଫଳରେ ବାସୁଦେବପୁର ବ୍ଲକର ଜଗନ୍ନାଥପୁର, ବଚ୍ଛଦା, ସାରଙ୍ଗପୁର, ଚନ୍ଦନପୁର, ପଢ଼ଁୁଆ ଆଦି ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଗମେଈ ନଦୀରେ ଶୁକ୍ରବାର ସକାଳଠାରୁ ଜଳସ୍ତର ବଢ଼ୁଥିବାରୁ ବ୍ୟାପକ ଚାଷଜମି ଜଳମଗ୍ନ ହେବା ସହ ୪/୫ ଫୁଟ ବନ୍ୟାଜଳ ପ୍ରବାହିତ ହେଉଛି। ଏହି ନଦୀ ଅବବାହିକାରେ ଥିବା ବରଣ୍ଡୁଆ, ନରସିଂହପୁର, ସୁଦର୍ଶନପୁର, ଚୁଡ଼ାମଣି, ଶାଶୁଭୁଆଶୁଣୀ ଆଦି ୫ ପଞ୍ଚାୟତ ସମେତ ପୌରପାଳିକାର ବଳିବିନ୍ଧା, ବାଷଠୀ, ଭୈରବପୁର, ଗୋପାଳପୁର, ରାଧାବଲ୍ଲଭପୁର, ଗୁଆଗଁା ଆଦି ଅଞ୍ଚଳର ଶତାଧିକ ହେକ୍ଟର ଚାଷଜମି ଜଳମଗ୍ନ ହୋଇଛି। କଞ୍ଚୁୁଡ଼ି, ନୂଆନଦୀରେ ବନ୍ୟା ଆସିବା ଫଳରେ ସୁଗୋ, ପଦ୍ମପୁର, ଏଡ଼ତାଳ, ଲୁଙ୍ଗା ଆଦି ପଞ୍ଚାୟତରେ ବନ୍ୟା ସୃଷ୍ଟି ହୋଇଛି। ଜଗନ୍ନାଥପ୍ରସାଦ, ବାଲିମେଦ, ଆନ୍ଦୋଳା, କରଞ୍ଜଆଡ଼ିଆ, ନାୟକାଣିଡିହୀର ବ୍ୟାପକ ଚାଷଜମିରେ ମନ୍ତେଈ ନଦୀ ବନ୍ୟାଜଳ ଜମି ରହିଛି।
