କେସିଙ୍ଗା,୧୩ା୫:(ତୁମେଶ୍ୱର ସାହୁ): କେସିଙ୍ଗାରୁ ସିଧା ଭୁବନେଶ୍ୱରକୁ ଟ୍ରେନ ନଥିବାରୁ ବହୁବାର କଳାହାଣ୍ଡି ଜିଲା ରେଳ ଯାତ୍ରୀ ସଙ୍ଘ କେସିଙ୍ଗା ଓ ଜେଡ ଏସ ଏସର ସଦସ୍ୟ ଡ଼ାହେମସାଗର ସାହା ରେଳମନ୍ତ୍ରୀ ଓ କଳାହାଣ୍ଡି ଏମ୍ ପିଙ୍କୁ ଦାବି ପତ୍ର ଜଣାଇଥିଲେ । କିନ୍ତୁ କଳାହାଣ୍ଡି ଏମପି ମାଲବିକା ଦେବୀ ରେଳମନ୍ତ୍ରୀ ଅଶ୍ଵନି ବୈଷ୍ଣବଙ୍କୁ ଦିଲ୍ଲୀ ବାସ ଭବନରେ ଗତ ଏପ୍ରିଲ ୨୨ତାରିଖରେ ସାକ୍ଷାତ କରି ଭୁବନେଶ୍ୱରରୁ କୋରାପୁଟ ଭୟା ସମ୍ବଲପୁର, ଟିଟିଲାଗଡ, କେସିଙ୍ଗା ଦେଇ କୋରାପୁଟକୁ ନୂତନ ଟ୍ରେନ ଚାଲିବାକୁ ଦାବି କରିଥିଲେ । ଦାବି ପତ୍ର ଦେବାର ୨୩ ଦିନ ମଧ୍ୟରେ କାର୍ଯ୍ୟ କରି ହେଲା ।
ବର୍ତ୍ତମାନ ରେଳ ବିଭାଗ ପୁରୀ ଠାରୁ କୋରାପୁଟ ଚାଳିବା ପାଇଁ ମଞ୍ଜୁର କରିଥିବାରୁ ଅଞ୍ଚଳବାସୀ ରେଳ ମନ୍ତ୍ରୀ ଓ କଳାହାଣ୍ଡି ଏମପିଙ୍କୁ ଧନ୍ୟବାଦ ଜଣାଇଛନ୍ତି । କିନ୍ତୁ ଦାବି ପତ୍ର ଦେବାର ୨୩ଦିନ ମଧ୍ୟରେ ପୁରୀ -ଭୁବନେଶ୍ୱରରୁ କୋରାପୁଟକୁ ନୂତନ ଟ୍ରେନ ନ୧୮୪୦୭-୧୮୪୦୮ମଞ୍ଜୁର କରିଥିବାରୁ ସମଗ୍ର ପଶ୍ଚିମ ଓଡିଶାବାସୀଙ୍କ ସମେତ କେସିଙ୍ଗାବାସୀ ରେଳମନ୍ତ୍ରୀ ଓ କଳାହାଣ୍ଡି ଏମପି ମାଲବିକା ଦେବୀ ଧନ୍ୟବାଦ ଜଣାଇଛନ୍ତି ।
ଏହି ଟ୍ରେନ ଦିନବେଳା ଚାଲିବ । ଏହା ପୁରୀ ଠାରୁ ପ୍ରତ୍ୟେକ ସପ୍ତାହର ସୋମବାର, ଗୁରୁବାର ଓ ଶନିବାର ଚାଲିବ । କୋରାପୁଟରୁ ମଙ୍ଗଳବାର, ଶୁକ୍ରବାର ଓ ଶନିବାର ସାପ୍ତାହିକ ତିନି ଦିନ ଚାଲିବା ପାଇଁ ମିନିଷ୍ଟ୍ରି ଅଫ ରେଲୱେର ଡ଼ାଇରେକ୍ଟର ଅଫ କୋଚ୍ ସଞ୍ଜୟ ଆର.ନିଲମଙ୍କ ଚିଟି ନ ୧୩.୫.୨୬/ସିସି ୧୪୫/୨୦୨୬ଅନୁସାରେ ଏହି ପୁରୀ କୋରାପୁଟ ଟ୍ରେନକୁ ମଞ୍ଜୁର କରିଛନ୍ତି । ଏହି ଟ୍ରେନ ରେ ୧୮ଟି ବଗି ରହିଛି । ଘୋଷଣା ହୋଇଥିଲେ ହେଁ କେବେ ଚାଲିବ ତାକୁ ଅଞ୍ଚଳବାସୀ ଅପେକ୍ଷା କରି ରହିଛନ୍ତି ।
