ଓଟୋବା,୧୨।୭: କାନାଡାରେ ଭାରତୀୟ ଛାତ୍ରମାନେ ନିର୍ବାସନ ଦଣ୍ଡ ଭୋଗୁଛନ୍ତି। ଏହିୁ ବିବାଦ ଧୀରେ ଧୀରେ ଅନ୍ତର୍ଜାତୀୟ ସ୍ତରରେ ଘନେଇବାରେ ଲାଗିଛି। କାନାଡାରେ ଛାତ୍ରମାନଙ୍କ ସପକ୍ଷରେ ବାହାରିଛନ୍ତି ବିରୋଧୀ ଦଳର ନେତା ପିଆର ପୋଏଲିଭ୍ରେ। ଏଥିପାଇଁ ସେ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କୁ ଦାୟୀ କରିଛନ୍ତି। ପୋଏଲିଭ୍ରେ ସରକାରଙ୍କୁ ଛାତ୍ରଙ୍କ ନିର୍ବସନ ଦଣ୍ଡ ବନ୍ଦ କରିବାକୁ ଅନୁରୋଧ କରିଛନ୍ତି।ଦୋଷୀଙ୍କ ବିରୋଧରେ ମାମଲା ରୁଜୁ କରାଯିବା ସହ ଏହି ଛାତ୍ରଙ୍କୁ କାନାଡାରେ ପାଠପଢିବା ସହ ଚାକିରି କ୍ଷେତ୍ରରେ ନିୟୋଜନ କରିବା ପାଇଁ ସେ ସରକାରଙ୍କୁ କହିଛନ୍ତି।
ସେ ଟ୍ବିଟ୍ କରି ସରକାରଙ୍କୁ ଟାର୍ଗେଟ କରିଛନ୍ତି, ଟ୍ରୁଡୋ ସରକାର ଅନ୍ତର୍ଜାତୀୟ ଛାତ୍ରମାନଙ୍କୁ ଦୁର୍ନୀତିଗ୍ରସ୍ତ ସ୍କାମରୁ ରକ୍ଷା କରିବାରେ ବିଫଳ ହୋଇଛନ୍ତି। ବର୍ତ୍ତମାନ ଟ୍ରୁଡୋ ଛାତ୍ରଙ୍କୁ ଦେଶରୁ ବିତାଡିତ କରି ପୀଡିତଙ୍କୁ ଦଣ୍ଡିତ କରୁଛନ୍ତି। ପ୍ରକୃତ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ବୋଲି ସେ କହିଛନ୍ତି।
The Trudeau government failed to protect international students from crooked scam artists.
Now, Trudeau is punishing the victims by deporting the students—even those that acted in good faith & have been working & paying taxes here for years.
Prosecute fraudsters. Stop the… pic.twitter.com/LSbxPEgXqx
— Pierre Poilievre (@PierrePoilievre) June 12, 2023
ନ୍ୟୁଜ ଏଜେନ୍ସି ଏନଆଇଏ ଅନୁଯାୟୀ, ପୋଏଲିଭ୍ରେ ନିର୍ବାସିତ ଛାତ୍ରଙ୍କ ପରିବାର ସଦସ୍ୟଙ୍କୁ ସାକ୍ଷାତ କରିଛନ୍ତି। ଏହି ଫଟୋ ସେ ତାଙ୍କ ଟ୍ବିଟର୍ ହ୍ୟାଣ୍ଡେଲରେ ପୋଷ୍ଟ କରିଛନ୍ତି। ନକଲି ଆଡମିଟ କାର୍ଡ ଦାଖଲ କରିଥିବା ଅଭିଯୋଗରେ କାନାଡାର ଭାରତୀୟ ଛାତ୍ରମାନଙ୍କୁ ଦେଶରୁ ବିତାଡିତ କରାଯିବ ବୋଲି ଧମକ ଦିଆଯାଇଛି।
