ନୂଆଦିଲ୍ଲୀ,୧୦।୬ : ଆରବ ସାଗରରେ ସୃଷ୍ଟି ହୋଇଥିବା ସାଇକ୍ଲୋନିକ ଝଡ ବିପର୍ଯ୍ୟୟ ଆସନ୍ତା ୧୨ ଘଣ୍ଟା ମଧ୍ୟରେ ଏକ ଭୟଙ୍କର ଘୂର୍ଣ୍ଣିବଳୟରେ ପରିଣତ ହେବାର ସମ୍ଭାବନା ଅଛି। ଆସନ୍ତା ୨୪ ଘଣ୍ଟା ମଧ୍ୟରେ ଉତ୍ତର-ପୂର୍ବ ଦିଗରେ ଧୀରେ ଧୀରେ ଗତି କରିବ ବୋଲି ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି। ଏଥି ସହିତ ଆସନ୍ତା ତିନି ଦିନ ମଧ୍ୟରେ ଏହା ଉତ୍ତର-ପଶ୍ଚିମ ଦିଗକୁ ଗତି କରିବ ବୋଲି ଆଶା କରାଯାଉଛି।
ଏହା ସହିତ ପାଣିପାଗ ବିଭାଗ ମଧ୍ୟ ସୌରାଷ୍ଟ୍ର ଏବଂ କଚ୍ଛ ଉପକୂଳ ପାଇଁ ସତର୍କ ସୂଚନା ଜାରି କରିଛି। ପାଣିପାଗ ବିଭାଗ ଅନୁଯାୟୀ, ସାଇକ୍ଲୋନିକ ଝଡ ମଧ୍ୟ ଆରବ ସାଗରରେ ଗତ ୬ ଘଣ୍ଟା ମଧ୍ୟରେ ଘଣ୍ଟା ପ୍ରତି ୩ କିଲୋମିଟର ବେଗରେ ଉତ୍ତର-ପୂର୍ବ ଆଡକୁ ଗତି କରିଛି। ପରବର୍ତ୍ତୀ ୧୨ ଘଣ୍ଟା ମଧ୍ୟରେ ଏହା ଏକ ଘୂର୍ଣ୍ଣିବଳୟରେ ପରିଶତ ହୋଇ ଆହୁରି ଭୟଙ୍କର ହେବାର ସମ୍ଭାବନା ରହିଛି।
ପାଣିପାଗ ବିଭାଗ ସୂଚନା ଦେଇଛି ଏହା ବର୍ତ୍ତମାନ ଗୋଆର ପ୍ରାୟ ୭୦୦ କିଲୋମିଟର ପଶ୍ଚିମ-ଉତ୍ତର-ପଶ୍ଚିମ, ମୁମ୍ବାଇର ୬୨୦ କିଲୋମିଟର ପଶ୍ଚିମ-ଦକ୍ଷିଣ-ପଶ୍ଚିମ, ପୋରବନ୍ଦରର ୫୮୦ କିଲୋମିଟର ଦକ୍ଷିଣ-ପଶ୍ଚିମ ଏବଂ କରାଚି ଠାରୁ ୮୯୦ କିଲୋମିଟର ଦୂରରେ ରହିଛି।
ସମ୍ପ୍ରତି ଉପକୂଳ ଅଞ୍ଚଳରେ ସର୍ବାଧିକ ସ୍ଥାୟୀ ଭୂପୃଷ୍ଠ ପବନର ବେଗ ୩୫-୪୫ କିଲୋମିଟର ଏବଂ ସୌରାଷ୍ଟ୍ର ଓ କଚ୍ଛ ଉପକୂଳରେ ୫୫ କିଲୋମିଟର ବେଗରେ ଗତି କରୁଛି। ଅନ୍ୟପକ୍ଷରେ, ଜୁନ ୧୧ ରେ, ସର୍ବାଧିକ ଭୂପୃଷ୍ଠ ପବନର ବେଗ ୪୦-୫୦ କିଲୋମିଟର ଏବଂ ୬୦ କିଲୋମିଟର ପବନ ବହିବାର ସମ୍ଭାବନା ଅଛି । ଜୁନ ୧୨ ରେ, ସର୍ବାଧିକ ସ୍ଥାୟୀ ଭୂପୃଷ୍ଠ ପବନର ବେଗ ୪୫-୫୫ କିଲୋମିଟର ଏବଂ ୬୫ କିଲୋମିଟର ବେଗରେ ଗତି କରିବାର ସମ୍ଭାବନା ଅଛି। ପାଣିପାଗ ବିଭାଗ ଅନୁଯାୟୀ, ଏହା ପରେ ଜୁନ ୧୩ ରୁ ୧୫ ମଧ୍ୟରେ ସର୍ବାଧିକ ସ୍ଥାୟୀ ଭୂପୃଷ୍ଠ ପବନର ବେଗ ୫୦-୬୦ କିଲୋମିଟର ଏବଂ ୭୦ କିଲୋମିଟର ପର୍ଯ୍ୟନ୍ତ ପବନ ବହିବ ବୋଲି ଆଶା କରାଯାଉଛି।
ଦକ୍ଷିଣ ପୂର୍ବ ଆରବ ସାଗରରେ ଥିବା ଲଘୁଚାପ ଅଞ୍ଚଳ ଏକ ସାଇକ୍ଲୋନିକ ଝଡରେ ପରିଣତ ହେବାରେ ଭାରତୀୟ ପାଣିପାଗ ବିଭାଗ ପକ୍ଷରୁ ଏହା ଉପରେ ତୀକ୍ଷଣ ନଜର ରଖାଯାଇଛି।
