ନୂଆଦିଲ୍ଲୀ,୨୮।୧ : ଆସନ୍ତା ୨୦୨୪ ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଚାଲିଛି। ଶେଷ ଜାତୀୟ କାର୍ଯ୍ୟକାରିଣୀ ବୈଠକ ପରଠାରୁ ଭାଜପା ଲୋକସଭା ନିର୍ବାଚନ ପାଇଁ ମିଶନ ମୋଡକୁ ଆସିଥିବାବେଳେ କଂଗ୍ରେସ ସମେତ ବାକି ଦଳ ମଧ୍ୟ ଏଥିପାଇଁ ରଣନୀତି ପ୍ରସ୍ତୁତ କରୁଛନ୍ତି। କିଛି ବିରୋଧୀ ଦଳ ତଥାପି ଆଶାବାଦୀ ଅଛନ୍ତି ଯେ ନିର୍ବାଚନ ପୂର୍ବରୁ ତୃତୀୟ ଫ୍ରଣ୍ଟ ଆସିବ।
ଏହି ସମୟରେ ଜନସାଧାରଣଙ୍କ ମତାମତ ଆଧାରରେ ଏକ ସର୍ଭେ ରାଜନୈତିକ ମହଲରେ ଆଲୋଡ଼ନ ସୃଷ୍ଟି କରିଛି। ମୁଡ ଅଫ ଦି ନେଶନ ସର୍ଭେର ଫଳାଫଳରେ କୁହାଯାଇଛି ଯେ ଯଦି ଆଜି ନିର୍ବାଚନ ଅନୁଷ୍ଠିତ ହୁଏ ତେବେ ଦେଶରେ ପୁଣି ଥରେ ଭାଜପା ନେତୃତ୍ୱାଧୀନ ନ୍ୟାଶନାଲ ଡେମୋକ୍ରାଟିକ ଆଲାଏନ୍ସ ସରକାର ଗଠନ ହେବ।
ଆଜି ନିର୍ବାଚନ ଅନୁଷ୍ଠିତ ହେଲେ ସର୍ଭେ ଅନୁଯାୟୀ ଦେଶର ୫୪୩ ଲୋକସଭା ଆସନ ମଧ୍ୟରୁ ୨୯୮ଟି ସିଟ ଏନଡିଏ, ୧୫୩ଟି ସିଟ କଂଗ୍ରେସ ନେତୃତ୍ୱାଧୀନ ମିଳିତ ୟୁପିଏ ଏବଂ ୯୨ଟି ସିଟ ଅନ୍ୟ ଆଞ୍ଚଳିକ ଦଳକୁ ଯିବ।
ସର୍ଭେ ଫଳାଫଳ ନେଇ ବିରୋଧୀ ଦଳଙ୍କ ଚିନ୍ତା ବଢ଼ିବାରେ ଲାଗିଛି।
