କୋଲକାତା,୧୬।୧ : କୋଲକାତା ହାଇକୋର୍ଟରେ ଦେଶର ସର୍ବ ପୁରାତନ ମକଦ୍ଦମାର ଫଇସଲା ୭୨ ବର୍ଷ ପରେ ପ୍ରଦାନ କରି ଏହାକୁ ଶେଷ କରିଛନ୍ତି। କୌତୁହଳର ବିଷୟ, କୋଲକାତା ହାଇକୋର୍ଟର ବର୍ତ୍ତମାନର ପ୍ରଧାନ ବିଚାରପତି ପ୍ରକାଶ ଶ୍ରୀବାସ୍ତବ ୧୯୫୧ ମସିହାରେ ଜନ୍ମ ହୋଇଥିଲେ, ଏହି ମାମଲା ପଞ୍ଜୀକୃତ ହେବାର ପ୍ରାୟ ୧୦ ବର୍ଷ ପରେ। କୋଲକାତା ହାଇକୋର୍ଟଙ୍କ ଫଇସଲା ଦ୍ୱାରା ବରହମପୁର ବ୍ୟାଙ୍କ ଲିମିଟେଡକୁ ବନ୍ଦ କରିବା ପ୍ରକ୍ରିୟା ସହ ଜଡିତ ମକଦ୍ଦମା ଶେଷ ହୋଇଛି। ତେବେ ଦେଶର ପରବର୍ତ୍ତୀ ପାଞ୍ଚଟି ପୁରାତନ ବିଚାରାଧୀନ ମାମଲା ମଧ୍ୟରୁ ଦୁଇଟି ଏପର୍ଯ୍ୟନ୍ତ ସମାଧାନ ହୋଇପାରି ନାହିଁ। ୧୯୫୨ ରେ ଏସବୁ ଦାଖଲ କରାଯାଇଥିଲା ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଦେଶର ଅବଶିଷ୍ଟ ତିନୋଟି ପୁରାତନ ମାମଲା ମଧ୍ୟରୁ ପଶ୍ଚିମବଙ୍ଗର ମାଲଦାର ସିଭିଲ କୋର୍ଟରେ ଦୁଇଟି ସିଭିଲ ମାମଲା ଚାଲିଛି ଏବଂ ଗୋଟିଏ ମାଡ୍ରାସ ହାଇକୋର୍ଟରେ ବିଚାରାଧୀନ ଅଛି। ଦୀର୍ଘ ଦିନ ଧରି ଚାଲିଆସୁଥିବା ମାମଲାଗୁଡ଼ିକର ସମାଧାନ ପାଇଁ ଚଳିତ ବର୍ଷ ମାର୍ଚ୍ଚ ଏବଂ ନଭେମ୍ବରରେ ମାଲଦା କୋର୍ଟର ଶୁଣାଣି ତାରିଖ ସ୍ଥିର କରାଯାଇଛି। ନ୍ୟାଶନାଲ ଜୁଡିସିଆଲ ଡାଟା ଗ୍ରୀଡରେ ବରହମପୁର ମାମଲା ୯ ଜାନୁଆରୀ ସୁଦ୍ଧା କୌଣସି ଭାରତୀୟ କୋର୍ଟରେ ଶୁଣାଣି ହୋଇଥିବା ସର୍ବ ପୁରାତନ ମାମଲା ଭାବରେ ଉଲ୍ଲେଖ କରାଯାଇଛି।
