ନୂଆଦିଲ୍ଲୀ,୧୨।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ସ୍ବାମୀ ବିବେକାନନ୍ଦଙ୍କ ଜନ୍ମ ବାର୍ଷିକୀରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ତାଙ୍କର ଚିନ୍ତାଧାରା ଏବଂ ଆଦର୍ଶ ଦେଶବାସୀଙ୍କୁ ସର୍ବଦା ମାର୍ଗଦର୍ଶନ କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି।
ପ୍ରଧାନମନ୍ତ୍ରୀ ଟୁଇଟ କରି କହିଛନ୍ତି, ଜନ୍ମ ବାର୍ଷିକୀରେ ସ୍ବାମୀ ବିବେକାନନ୍ଦଙ୍କ ପ୍ରତି ସାଦର ପ୍ରଣାମ। ତାଙ୍କ ଜୀବନ ସର୍ବଦା ଦେଶପ୍ରେମ, ଆଧ୍ୟାତ୍ମିକତା ଏବଂ ପରିଶ୍ରମକୁ ପ୍ରେରଣା ଯୋଗାଇଥାଏ। ତାଙ୍କର ମହାନ ଚିନ୍ତାଧାରା ଏବଂ ଆଦର୍ଶ ଦେଶବାସୀଙ୍କୁ ମାର୍ଗଦର୍ଶନ ଜାରି ରଖିବ।
ସ୍ବାମୀ ବିବେକାନନ୍ଦଙ୍କ ଜନ୍ମ ବାର୍ଷିକୀ ଜାତୀୟ ଯୁବ ଦିବସ ଭାବରେ ପାଳନ କରାଯାଏ। ପ୍ରଧାନମନ୍ତ୍ରୀ ମୋଦି ଦିନ ପ୍ରାୟ ୪ଟା ସମୟରେ କର୍ନାଟକର ହୁବଲିରେ ୨୬ତମ ଜାତୀୟ ଯୁବ ମହୋତ୍ସବ ଉଦଘାଟନ କରିବେ। ଏହି ବର୍ଷ ଉତ୍ସବର ବିଷୟବସ୍ତୁ ହେଉଛି ବିକାଶଶୀଳ ଯୁବ-ବିକଶିତ ଭାରତ। ଜାତୀୟ ଯୁବ ଦିବସରେ ଏହି କାର୍ଯ୍ୟକ୍ରମ ଆୟୋଜିତ କରାଯାଏ। ବିବେକାନନ୍ଦଙ୍କ ବିବେକ, ଶିକ୍ଷା ଏବଂ ଅବଦାନକୁ ସ୍ମରଣ କରିବା ପାଇଁ ସ୍ବାମୀ ବିବେକାନନ୍ଦଙ୍କ ଜନ୍ମ ବାର୍ଷିକୀରେ ପାଳନ କରାଯାଏ। ଦେଶର ଦକ୍ଷ ଯୁବକମାନଙ୍କୁ ସଶକ୍ତ କରିବା ଏବଂ ସେମାନଙ୍କୁ ରାଷ୍ଟ୍ର ନିର୍ମାଣ ଦିଗରେ ପ୍ରେରଣା ଦେବା ଏହି ଉତ୍ସବର ମୂଳ ଉଦ୍ଦେଶ୍ୟ।
