ଜଗତସିଂହପୁର ଅଫିସ/ଭୁବନେଶ୍ୱର(ବ୍ୟୁରୋ),୨୮।୧୨: ଜଗତସିଂହପୁର ଜିଲାପାଳଙ୍କ କାର୍ଯ୍ୟାଳୟ ପରିସର ରାଜସ୍ବ ବିଭାଗରେ ଡେପୁଟି କଲେକ୍ଟର ଭାବେ କାର୍ଯ୍ୟରତ ଚିତ୍ତରଞ୍ଜନ ପିଳା ଗିରଫ ହୋଇଛନ୍ତି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବୁଧବାର ତାଙ୍କୁ ଭିଜିଲାନ୍ସ ଗିରଫ କରିଛି। ସେ ତାଙ୍କ ଆୟରୁ ୧୯୧% ଅଧିକ ସମ୍ପତ୍ତି ଠୁଳ କରିଥିବା ଜଣାପଡ଼ିଛି।
ଚିତ୍ତରଞ୍ଜନଙ୍କର ରାଜ୍ୟର ବିଭିନ୍ନ ସ୍ଥାନରେ ୫ ଫ୍ଲାଟ, ୬ ପ୍ଲଟ୍ ଏବଂ ବିଲ୍ଡିଂ ଆଦି ଅଛି। ମଙ୍ଗଳବାର ରାଜ୍ୟ ଭିଜିଲାନ୍ସ ପକ୍ଷରୁ ତାଙ୍କ ଘରେ ଚଢ଼ାଉ କରାଯାଇ ନଗଦ ୮୭,୭୮୫ ଟଙ୍କା ୨ ଚାରି ଚକିଆ ଏବଂ ୩ ଦୁଇ ଚକିଆ ଗାଡ଼ି ଠାବ କରାଯାଇଥିଲା। ପରେ ବ୍ୟାଙ୍କ ଏବଂ ବୀମା ଜମା ସହ ସୁନାଗହଣା ଏବଂ ଅନ୍ୟାନ୍ୟ ଘରୋଇ ସାମଗ୍ରୀ ବିଷୟରେ ଭିଜିଲାନ୍ସ ତଦନ୍ତ କରିଛି।
