ପାଟଣା,୨୬।୧୨(ସ୍ବ.ପ୍ର.): ଓଡିଶାରେ ବିଜେଡିର ୨୫ ବର୍ଷ ଶାସନର ପୂର୍ତ୍ତି ଉତ୍ସ ପୁରୀରେ ପାଳୁଥିବା ବେଳେ ଭାଜପା ବିରୋଧ କରିଛି। ରାଜ୍ୟରେ ଅପରାଧିକ କାର୍ଯ୍ୟକଳାପ, ନାରୀ ନିର୍ଯ୍ୟାତନା, ହିଂସା ଭଳି ଘଟଣା ବୃଦ୍ଧି ପାଇବା ପ୍ରତିବାଦରେ ଭାଜପା ପକ୍ଷରୁ ସୋମବାର କେନ୍ଦୁଝର ଜିଲା ପାଟଣା ନିର୍ବାଚନ ମଣ୍ଡଳୀ ପାଟଣା ବ୍ଲକ କାର୍ଯ୍ୟାଳୟ ସମ୍ମୁଖରେ ୪ ଘଣ୍ଟିଆ ସତ୍ୟାଗ୍ରହ କରିଛନ୍ତି। ଆୟୋଜିତ ସତ୍ୟାଗ୍ରହ କାର୍ଯ୍ୟକ୍ରମରେ ଜିଲା ଯୁବମୋର୍ଚା ସଭାପତି ହେମ ରଞ୍ଜନ ବାରିକଙ୍କ ସଂଯୋଜନରେ ଜିଲା ଭାଜପା ସଭାପତି ଅଂଶୁମାନ ସବୁଜ ମହାନ୍ତ ବର୍ମା, ପୂର୍ବତନ ଜିଲା ପରିଷଦ ସଦସ୍ୟା ମମିତା ନାଏକ, ଜିଲା ସମ୍ପାଦିକା ବିଜୟଲକ୍ଷ୍ମୀ ପାତ୍ର,ଜିଲା ଭାଜପା ଯୁବମୋର୍ଚା ସମ୍ପାଦକ ଶବୀର ଦାଶ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ସତ୍ୟବ୍ରତ ନାଏକ ଅଛନ୍ତି। ସେହିପରି ପାଟଣା ବିଧାନସଭା ପ୍ରଭାରୀ କୃପା ସିନ୍ଧୁ ମହାନ୍ତ,ବିଧାନସଭା ପର୍ଯ୍ୟବେକ୍ଷକ ସୁଦର୍ଶନ ମହାନ୍ତ,ପାଟଣା ନିର୍ବାଚନ ମଣ୍ଡଳୀ ସଭାପତି ରମେଶ ମହାନ୍ତ, ସାହାରପଡା ମଣ୍ଡଳ ସଭାପତି ବୁଲୁ ବାରିକ ମହିଳା ନେତ୍ରୀ ସୋମବାରି ମୁଣ୍ଡା, ଉଦୟପୁରମଣ୍ଡଳ ନରହରି ମହାନ୍ତ, କେନ୍ଦେଇପଶି ମିତ୍ରଭାନୁ ମହାନ୍ତ, ଉଖୁଣ୍ଡା ପ୍ରବୀର ରଞ୍ଜନ ନାଏକଙ୍କ ସହ ଛାମୁଆ ସଂଗଠନର ବହୁ ବରିଷ୍ଠ ନେତା ବିଜେଡି କୁଶାସନର ଚିଠା ଉପସ୍ଥାପିତ କରିବା ସହ ଏହାର ତୀବ୍ର ସମାଲୋଚନା କରିଥିବା ଦେଖିବାକୁ ମିଳିଛି।
