ଶ୍ରୀନଗର,୨୨।୧୧ : ଜମ୍ମୁ-କଶ୍ମୀରର ସୁରକ୍ଷା ବାହିନୀ ଗତ କିଛି ବର୍ଷ ମଧ୍ୟରେ ଆତଙ୍କବାଦୀ ଆକ୍ରମଣ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି। ସୁରକ୍ଷା ବାହିନୀଙ୍କ ମିଳିତ ଅପରେଶନରେ ବହୁ ସଂଖ୍ୟକ ଆତଙ୍କବାଦୀ ନିହତ ହୋଇଛନ୍ତି, କିନ୍ତୁ ଏହା ପରେ ମଧ୍ୟ ଉପତ୍ୟକାରେ ୩୦୦ରୁ ଅଧିକ ଆତଙ୍କବାଦୀ ସକ୍ରିୟ ଅଛନ୍ତି। ମଙ୍ଗଳବାର ନର୍ଥ କମାଣ୍ଡର ଜେନେରାଲ ଅଫିସର କମାଣ୍ଡିଂ-ଇନ-ଚିଫ ଉପେନ୍ଦ୍ର ଦ୍ୱିବେଦୀ ଏହି ସୂଚନା ପ୍ରଦାନ କରିଛନ୍ତି।
ଏହା ବ୍ୟତୀତ ୧୬୦ ଆତଙ୍କବାଦୀ ଭାରତରେ ଅନୁପ୍ରବେଶ ପାଇଁ ପାକିସ୍ତାନୀ ଲଞ୍ଚ ପ୍ୟାଡରେ ସୁଯୋଗକୁ ଅପେକ୍ଷା କରି ରହିଛନ୍ତି। ଆତଙ୍କବାଦୀମାନେଏଲଏସି ନିକଟରେ ତାଲିମ ନେଉଛନ୍ତି। ସେମାନେ ଯେକୌଣସି ସମୟରେ ଅନୁପ୍ରବେଶ କରିବାକୁ ସୁଯୋଗକୁ ଅପେକ୍ଷା କରି ବସିଛନ୍ତି। ଜାମ୍ମୁ-କଶ୍ମୀରର ପରିସ୍ଥିତି ନିୟନ୍ତ୍ରଣରେ ରହିଛି ଏବଂ ବହୁ ଆତଙ୍କବାଦୀ ଚିହ୍ନଟ ହୋଇଛନ୍ତି।
ତେବେ ବହୁ ସଂଖ୍ୟାରେ ଆତଙ୍କବାଦୀ ସକ୍ରିୟ ଥିବା ସେ ସ୍ବୀକାର କରିଛନ୍ତି। ଅନୁପ୍ରବେଶ ପାଇଁ ସୁଯୋଗକୁ ଅପେକ୍ଷା କରିଥିବା ଆତଙ୍କବାଦୀଙ୍କ ମଧ୍ୟରୁ ୧୩୦ ଜଣ ପିର ପଞ୍ଜାଲ ରେଞ୍ଜ୍ରେ ଅଛନ୍ତି। ଏଥି ସହିତ ପିର ପଞ୍ଜଲ ରେଞ୍ଜର ଦକ୍ଷିଣରୁ ୩୦ ଆତଙ୍କବାଦୀ ଅନୁପ୍ରବେଶ କରିବାକୁ ଚେଷ୍ଟା କରୁଛନ୍ତି। ସେ କହିଛନ୍ତି ଯେ ଆମର ସୂଚନା ଅନୁଯାୟୀ ୮୨ଜଣ ପାକିସ୍ତାନୀ ଆତଙ୍କବାଦୀ ଏବଂ ୫୩ ଜଣ ସ୍ଥାନୀୟ ଆତଙ୍କବାଦୀ ସକ୍ରିୟ ଅଛନ୍ତି। ଏହା ବ୍ୟତୀତ ୧୭୦ ଅଜ୍ଞାତ ଆତଙ୍କବାଦୀ ଅଛନ୍ତି।
ପାକିସ୍ତାନରେ ତାଲିମ ନେଇଥିବା ଆତଙ୍କବାଦୀମାନେ ବର୍ତ୍ତମାନ ପିସ୍ତଲ, ଗ୍ରେନେଡ ଏବଂ ଡ୍ରଗ୍ସ ନେଇ ଅନୁପ୍ରବେଶ କରିବାକୁ ଚେଷ୍ଟା କରୁଛନ୍ତି। ସେମାନେ ଭାରତରେ ଅଶାନ୍ତି ସୃଷ୍ଟି କରିବାକୁ ଛୋଟ ବଡ଼ ଘଟଣା ଘଟାଇବାକୁ ଚେଷ୍ଟା କରୁଛନ୍ତି। କିନ୍ତୁ ଆମେ ଏଭଳି କରିବାକୁ ସେମାନଙ୍କୁ ସୁଯୋଗ ଦେବୁ ନୁହେଁ ବୋଲି ସେ କହିଛନ୍ତି।
