ଇସଲାମାବାଦ,୬ ।୧୧: ପାକିସ୍ତାନ ପ୍ରଧାନମନ୍ତ୍ରୀ ଶହବାଜ ଶରିଫ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ଅଭିଯୋଗର ଜବାବ ଦେଇ କହିଛନ୍ତି, ଇମ୍ରାନ ଅରାଜକତା ବିସ୍ତାର କରିବା ପାଇଁ ଭିତ୍ତିହୀନ ଅଭିଯୋଗ ଓ ମିଛର ବ୍ୟବହାର କରୁଛନ୍ତି । ଶହବାଜ ଶରିଫ ଶନିବାର ପାକିସ୍ତାନର ମାନ୍ୟବର ପ୍ରଧାନବିଚାରପତି ଉମର ଅତା ବଂଦିୟାଲଙ୍କୁ ଅନୁରୋଧ କରିଛନ୍ତି, ୱାଜିରାବାଦ ଆକ୍ରମଣରେ ସମ୍ପୃକ୍ତ ଥିବା ଘଟଣାର ତଦନ୍ତ ପାଇଁ ସମ୍ପୂର୍ଣ୍ଣ କମିଶନ କଠନ କରାଯାଉ ।
ପ୍ରଧାନମନ୍ତ୍ରୀ ଶହବାଜ ଶରିଫ କହିଛନ୍ତି, ପିଟିଆଇ ନେତା ଇମ୍ରାନ ଖାଁ ମୋର ଆଭ୍ୟନ୍ତରୀଣ ମନ୍ତ୍ରୀ ରାଣା ସନାଉଲ୍ଲାହ ଓ ବରିଷ୍ଠ ସେନା ଅଧିକାରୀଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି । ସେ ହତ୍ୟା ଷଡଯନ୍ତ୍ର କରିଥିବା ଅଭିଯୋଗ ଆଣିଛନ୍ତି, ଯାହା ମିଛ ଓ ଭିତ୍ତିହିନ । ସେଥିପାଇଁ ମାନନୀୟ ବିଚାରପତିଙ୍କୁ ମୁଁ ଅନୁରାଧ କରୁଛି ଏହାର ଯାଞ୍ଚ ପାଇଁ ଏକ କମିଶନ ଗଠନ କରାଯାଉ ଓ ବିଚାରପତି ଏହାର ନିର୍ଦ୍ଦେଶ ଦେଇ ସମ୍ପୂର୍ଣ୍ଣ ଘଟଣାର ଯାଞ୍ଚ କରାଯାଉ ।
ପ୍ରଧାନମନ୍ତ୍ରୀ ଶହବାଜ ଶରିଫ କହିଛନ୍ତି, ଇମ୍ରାନ ଖାଁଙ୍କ ଉପରେ ହୋଇଥିବା ଆକ୍ରମଣରେ ତାଙ୍କ ବିରୋଧରେ ଯଦି କୌଣଓି ପ୍ରମାଣ ମିଳିଲା ତେବେ ସେ ପ୍ରଧାନମନ୍ତ୍ରୀ ପଦ ଛାଡିଦେବେ । ଇମାନଙ୍କ ଅଭିଯୋଗର ଉତ୍ତରରେ ଶେହବାଜ କହିଛନ୍ତି ଏହା ଭିତ୍ତିହିନ ।
