ଇସ୍ତାନବୁଲ/ଇସଲାମାବାଦ,୨୭।୧୦ : ଭାରତ ଏବଂ ଆମେରିକା ବିରୋଧରେ ତୁର୍କୀ ସାଇବର ସୈନ୍ୟବାହିନୀ ଗଠନ କରିବାରେ ପାକିସ୍ତାନକୁ ସାହାଯ୍ୟ କରିଛି ବୋଲି ନାର୍ଡିକ ମନିଟର ଏହାର ରିପୋର୍ଟରେ ପ୍ରକାଶ କରିଛି। ଦ୍ୱିପାକ୍ଷିକ ଚୁକ୍ତିନାମା ଅନୁଯାୟୀ ତୁର୍କୀ ଗୁପ୍ତରେ ପାକିସ୍ତାନକୁ ସାଇବର ସେନା ଗଠନ କରିବାରେ ସାହାଯ୍ୟ କରିଥିଲା। ଯାହା ଘରୋଇ ରାଜନୈତିକ ଲକ୍ଷ୍ୟ ତଥା ଆମେରିକା ଏବଂ ଭାରତ ଉପରେ ଆକ୍ରମଣ କରିବା ଲାଗି ବ୍ୟବହୃତ ହୋଇଥିଲା। ପାକିସ୍ତାନୀ ଶାସକମାନଙ୍କ ବିରୁଦ୍ଧରେ ସମାଲୋଚନାକୁ ହ୍ରାସ କରିବା ପାଇଁ ଏଭଳି କରାଯାଇଥିଲା।
ନାର୍ଡିକ ମନିଟର କହିଛନ୍ତି ଯେ ଜନମତକୁ ବୃଦ୍ଧି କରିବା, ଦକ୍ଷିଣ ପୂର୍ବ ଏସିଆର ମୁସଲମାନମାନଙ୍କ ମତକୁ ପ୍ରଭାବିତ କରିବା, ଆମେରିକା ଏବଂ ଭାରତ ଉପରେ ଆକ୍ରମଣ କରିବା ଏବଂ ପାକିସ୍ତାନୀ ଶାସକଙ୍କ ବିରୋଧରେ ସମାଲୋଚନା କମାଇବା କରିବା ପାଇଁ ତୁର୍କୀ ଏକ ସାଇବର ସେନା ଗଠନ କରିବାରେ ସହାୟତା କରିଛି।
ନାର୍ଡିକ ମନିଟର ରିପୋର୍ଟ ଅନୁଯାୟୀ, ୨୦୧୮ ରେ ତୁର୍କୀ ଗୃହ ମନ୍ତ୍ରୀ ସୁଲେମାନ ସୋଏଲୁଙ୍କ ସହ ଏକ ବୈଠକ ସମୟରେ ତତ୍କାଳୀନ ପ୍ରଧାନମନ୍ତ୍ରୀ ଇମ୍ରାନ ଖାନ ଏହି ଯୋଜନା ଉପରେ ଆଲୋଚନା କରିଥିଲେ। ଏହି ଯୋଜନା ସହିତ ପରିଚିତ ସୂତ୍ରଗୁଡିକୁ ଦର୍ଶାଇ ନାର୍ଡିକ ମନିଟର ରିପୋର୍ଟ କରିଛି ଯେ ସାଇବର ଅପରାଧ ବିରୋଧରେ ସହଯୋଗ ଉପରେ ଦ୍ୱିପାକ୍ଷିକ ଚୁକ୍ତିନାମା ଅନୁଯାୟୀ ଏହି ଗୁପ୍ତ ଯୋଜନା କରାଯାଇଥିଲା।
