ମୁମ୍ବାଇ,୧୯।୧୦ : ମିଳିତ ଜାତିସଂଘର ସେକ୍ରେଟେରୀ ଜେନେରାଲ ଆଣ୍ଟୋନିୟା ଗୁଟେରସ ବୁଧବାର ମୁମ୍ବାଇରେ ହୋଇଥିବା ୨୬/୧୧ ଆତଙ୍କବାଦୀ ଆକ୍ରମଣ ଘଟଣାରେ ନିହତ ହୋଇଥିବା ଲୋକଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହି ଅବସରରେ ସେ ଆତଙ୍କବାଦକୁ ସମ୍ପୂର୍ଣ୍ଣ ଖରାପ ବୋଲି କହିଥିଲେ ଏବଂ କୌଣସି କାରଣ ବା ବାହାନା ଏହାକୁ ଯଥାର୍ଥ କରିପାରିବ ନାହିଁ ବୋଲି କହିଛନ୍ତି।
୨୬ ନଭେମ୍ବର ୨୦୦୮ ରେ ହୋଇଥିବା ଆତଙ୍କବାଦୀ ଆକ୍ରମଣକୁ ସ୍ମରଣ କରିବା ପାଇଁ ମୁମ୍ବାଇର ତାଜ ହୋଟେଲରେ ଥିବା ଏକ ସ୍ମୃତି ସଂଗ୍ରହାଳୟରେ ମୃତ ବ୍ୟକ୍ତିଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଶ୍ରଦ୍ଧାଞ୍ଜଳି ଅର୍ପଣ କରି ସେ କହିଛନ୍ତି, ମୁଁ ପୀଡିତମାନଙ୍କୁ ଶ୍ରଦ୍ଧାଞ୍ଜଳି ଦେବାକୁ ଚାହୁଁଛି। ସେମାନେ ଆମ ଦୁନିଆର ହିରୋ। ମୁଁ ସେମାନଙ୍କ ପରିବାର, ସେମାନଙ୍କର ବନ୍ଧୁ, ଭାରତର ଲୋକ ଏବଂ ମୁମ୍ବାଇରେ ପ୍ରାଣ ହରାଇଥିବା ବିଶ୍ୱର ଅନ୍ୟ ସମସ୍ତଙ୍କୁ ମୋର ଗଭୀର ସମବେଦନା ଜଣାଉଛି।
ଶ୍ବର୍ତ୍ତମାନର ଦୁନିଆରେ ଆତଙ୍କବାଦ ପାଇଁ କୌଣସି ସ୍ଥାନ ନାହିଁ। ମୁମ୍ବାଇ ଆକ୍ରମଣ ଇତିହାସର ସବୁଠାରୁ ବର୍ବର ଆତଙ୍କବାଦୀ କାର୍ଯ୍ୟ ମଧ୍ୟରୁ ଅନ୍ୟତମ, ଯେଉଁଥିରେ ୧୬୬ ଜଣଙ୍କ ଜୀବନ ଯାଇଥିଲା।
ଜାତିସଂଘ ମୁଖ୍ୟଙ୍କ ଏହି ବିବୃତ୍ତି ପାକିସ୍ତାନ ଏବଂ ଚାଇନ ଭଳି ଆତଙ୍କବାଦକୁ ସମର୍ଥନ କରୁଥିବା ଦେଶମାନଙ୍କ ପାଇଁ ଏକ ଶକ୍ତିଶାଳୀ ବାର୍ତ୍ତା ବୋଲି ଚର୍ଚ୍ଚା ହେଉଛି।
