ପ୍ରତ୍ୟେକ ବ୍ୟକ୍ତିଙ୍କ ଚର୍ମର ନିଜସ୍ବ ରଙ୍ଗ ଥାଏ। ଯଦିଓ ଖରାତରାରେ ରଙ୍ଗରେ ସାମାନ୍ୟ ପାର୍ଥକ୍ୟ ଆସିଥାଏ କିନ୍ତୁ ଏହା ସ୍ଥାୟୀ ପରିବର୍ତ୍ତନ ହୋଇ ନ ଥାଏ। କିନ୍ତୁ ଜଣେ ବ୍ୟକ୍ତିଙ୍କ କ୍ଷେତ୍ରରେ ଏପରି ଘଟିଛି।
ଲୁସିଆନାରେ ରହୁଥିବା ଜଣେ ରୋଗୀ ଚିକିତ୍ସା ବିଜ୍ଞାନ ପାଇଁ ଏକ ଆହ୍ବାନ ପାଲଟିଛନ୍ତି। ଏହି ରୋଗୀଙ୍କ ଶରୀରର ରଙ୍ଗ ଧିରେ ଧିରେ ଗୋରାରୁ କଳାକୁ ବଦଳୁଛି। ଡାକ୍ତରମାନେ ଏହାର କୌଣସି କାରଣ ବୁଝି ପାରୁନାହାନ୍ତି। ୩୪ ବର୍ଷୀୟ ଟାଇଲର ମୋଙ୍କଙ୍କ ରଙ୍ଗ ବହୁତ ବଦଳିଛି। ଆଣ୍ଟି-ଡିପ୍ରେସାଣ୍ଟ ଔଷଧ ଯୋଗୁ ହୋଇଥିବା କହିଛନ୍ତି।
ବୃତ୍ତି ଅନୁଯାୟୀ କୀଟନାଶକ ନିୟନ୍ତ୍ରଣ କ୍ଷେତ୍ର ଇନ୍ସପେକ୍ଟର ଟାଇଲର ଉଦାସୀନତା ଏବଂ ଚାପରେ ରହୁଥିଲେ। ସେ ଜାନୁୟାରୀ ୨୦୨୧ରେ ଜଣେ ମାନସିକ ରୋଗ ବିଶେଷଜ୍ଞଙ୍କ ସହ ପରାମର୍ଶ କରିଥିଲେ। ପ୍ରୋଜାକ ନାମକ ଏକ ସାଧାରଣ ଆଣ୍ଟି-ଡିପ୍ରେସାଣ୍ଟ ଔଷଧ ଦିଆଯାଇଥିଲା। ଏହି ଔଷଧ ସହିତ ତାଙ୍କର ଚାପ ଏବଂ ମନୋବଳରେ କୌଣସି ପରିବର୍ତ୍ତନ ହୋଇ ନ ଥିଲା, କିନ୍ତୁ କିଛି ମାସ ପରେ ସେ ଏକ ଭିନ୍ନ ପ୍ରକାରର ପାର୍ଥକ୍ୟ ଦେଖିବା ଆରମ୍ଭ କରିଥିଲେ। ଦୁଇ ପିଲାଙ୍କ ପିତା ଟାଇଲର ତାଙ୍କ ଚର୍ମ ଧିରେ ଧିରେ କଳା ପଡ଼ିବାକୁ ଲାଗିଲା।
ଟିକଟୋକ ଭିଡିଓ ମାଧ୍ୟମରେ ତାଙ୍କ କାହାଣୀ ସାମ୍ନାକୁ ଆସିଛି। ଯେଉଁଥିରେ ଟାଇଲର ନିଜେ କହିଛନ୍ତି, ଡାକ୍ତରମାନେ ମଧ୍ୟ ଏହି ରହସ୍ୟର ସମାଧାନ କରିବାରେ ଅସମର୍ଥ। ପ୍ରଥମେ ଏହାକୁ ଟ୍ୟାନିଂ ଭାବରେ ବିବେଚନା କରାଯାଉଥିଲା। କିନ୍ତୁ ସୂର୍ଯ୍ୟଙ୍କୁ ଏଡ଼ାଇବା ପରେ ମଧ୍ୟ ରଙ୍ଗ କଳା ହେବାକୁ ଲାଗିଲା। ତାଙ୍କର ଏହି ପୋଷ୍ଟରେ ଲୋକମାନେ ବିଭିନ୍ନ ପ୍ରକାରର ମନ୍ତବ୍ୟ ଦେଇଛନ୍ତି। କିଛି ଲୋକ ଥଟ୍ଟା କରି ତାଙ୍କୁ ମାଇକେଲ ଜ୍ୟାକସନଙ୍କ ରିଭର୍ସ ମୋଡ ବୋଲି ଡାକିଲେ। ତା’ପରେ କିଛି ଲୋକ ଏହାର କାରଣ ବୁଝିବାକୁ ଚେଷ୍ଟା କରିଥିଲେ। ବର୍ତ୍ତମାନ ଟାଇଲରଙ୍କୁ ବିଶେଷଜ୍ଞ ଦଳ ଦେଖାଇବାକୁ କୁହାଯାଇଛି।
