ନୂଆଦିଲ୍ଲୀ, ୧୪।୯ : ପଶ୍ଚିମବଙ୍ଗର ନବନ୍ନା ମାର୍ଚ୍ଚରେ ହୋଇଥିବା ହିଂସାକୁ ନେଇ ଭାରତୀୟ ଜନତା ପାର୍ଟି ବୁଧବାର ମୁଖ୍ୟମନ୍ତ୍ରୀ ମମତା ବାନାର୍ଜୀ ସରକାରଙ୍କୁ କଡ଼ା ସମାଲୋଚନା କରିଛି। ଗଣମାଧ୍ୟମକୁ ସମ୍ବୋଧିତ କରି ପୂର୍ବତନ କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦ କହିଛନ୍ତି ଯେ ମଙ୍ଗଳବାର ଅତ୍ୟାଚାର ଏବଂ ରାଜନୈତିକ ଆଭ୍ୟନ୍ତରୀଣ ହିଂସା ପଶ୍ଚିମବଙ୍ଗରେ ଚରମ ସୀମାରେ ପହଞ୍ଚିଛି।
ପଶ୍ଚିମବଙ୍ଗ ବୌଦ୍ଧିକ ପରମ୍ପରା, ସାଂସ୍କୃତିକ ପରମ୍ପରାର ଏକ ବିରାଟ ରାଜ୍ୟ। କିନ୍ତୁ ମମତାଙ୍କ ନେତୃତ୍ୱରେ ଏହା ଏକ ଆଇନହୀନ ଦେବାଳିଆ ରାଜ୍ୟରେ ପରିଣତ ହୋଇଛି। ମମତା ରାଜ୍ୟର ସୀମା ବାହାରେ ଗଣତନ୍ତ୍ରକୁ ବଞ୍ଚାଇବା ବିଷୟରେ କହିଥାନ୍ତ କିନ୍ତୁ ନିଜ ରାଜ୍ୟ ଭିତରେ ଗଣତାନ୍ତ୍ରିକ ଅଧିକାରର ଉଲ୍ଲଂଘନ କରି ସମସ୍ତ ସୀମା ଅତିକ୍ରମ କରି ସାରିଛନ୍ତି।
ମମତାଙ୍କୁ ଏହାର ଜବାବ ରାଜ୍ୟର ଜନତା ଦେବେ ବୋଲି ରବି ଶଙ୍କର କହିଛନ୍ତି।
