କନ୍ୟାକୁମାରୀ, ୭।୯ : ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ବୁଧବାର କେନ୍ଦ୍ର ସରକାର ଏବଂ ଭାରତୀୟ ଜନତା ପାର୍ଟିକୁ ଟାର୍ଗେଟ କରି କହିଛନ୍ତି ଯେ ଦେଶରେ ଜାତି ଓ ଧର୍ମ ନାମରେ ଘୃଣା ବ୍ୟାପିବାରେ ଲାଗିଛି ଏବଂ ଯଦି ଏହି ପରିସ୍ଥିତିକୁ ନିୟନ୍ତ୍ରଣ କରା ନ ଯାଏ ତେବେ ଦେଶ ଗୃହଯୁଦ୍ଧ ଆଡକୁ ଯାଇପାରେ। କଂଗ୍ରେସର ଭାରତ ଯୋଡ ଯାତ୍ରା ଆରମ୍ଭ ପୂର୍ବରୁ ଗଣମାଧ୍ୟମ ପ୍ରତିନିଧିମାନଙ୍କୁ ଭେଟି କହିଛନ୍ତି ଯେ ସେ ଚାହୁଁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କୁ ସଦବୁଦ୍ଧି ମିଳୁ ଏବଂ ସେମାନେ ପରିସ୍ଥିତିକୁ ବୁଝନ୍ତୁ। କଂଗ୍ରେସ ଦଳରେ ସମସ୍ତଙ୍କ ମଧ୍ୟରେ ସମାନ ଭାବନା ରହିଛି ଯେ ରାହୁଲ ଗାନ୍ଧୀ ପୁଣି ଥରେ ଦଳର ଅଧ୍ୟକ୍ଷ ପଦ ଗ୍ରହଣ କରିବା ଉଚିତ।
ସେ କହିଛନ୍ତି ଯେ ରାହୁଲ ଅଧ୍ୟକ୍ଷ ହେଲେ କଂଗ୍ରେସ ମଜବୁତ ହେବ ଏବଂ ସମସ୍ତେ ଏକାଠି କାମ କରିବେ। ଦେଶ ସମ୍ମୁଖୀନ ହେଉଥିବା ଆହ୍ବାନର ମୁକାବିଲା କରିବା ମଧ୍ୟ ସହଜ ହେବ। ଦେଶରେ ଲୋକଙ୍କ ମଧ୍ୟରେ ପ୍ରେମ, ଭାଇଚାରା ଏବଂ ସୌହାର୍ଦ୍ଦ୍ୟ ରହିବା ଉଚିତ। ହିଂସାକୁ ବରଦାସ୍ତ କରାଯିବ ନାହିଁ। ଏନେଇ ଆମେ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଥିଲୁ କିନ୍ତୁ ସେ ତାହା ଗ୍ରହଣ କଲେ ନାହିଁ।
ଦେଶରେ ମାତ୍ରାଧିକ ଧୁବ୍ରୀକରଣ ହୋଇଛି। ଜାତି ଓ ଧର୍ମ ନାମରେ ହିଂସା ବ୍ୟାପିବାରେ ଲାଗିଛି। ଯଦି ଏହି ପରିସ୍ଥିତିକୁ ନିୟନ୍ତ୍ରଣ କରାଯାଇନଥାଏ ତେବେ ସ୍ଥିତି ସଙ୍କଟ ଜନକ ହେବ। ଦେଶ ଚଳାଉଥିବା ପ୍ରଧାନମନ୍ତ୍ରୀ ମୋଦି ଏବଂ ଶାହା ରାହୁଲ ଗାନ୍ଧୀଙ୍କ ଗସ୍ତର ବାର୍ତ୍ତା ବୁଝିିବା ଉଚିତ। ଗେହଲଟ କହିଛନ୍ତି ରାହୁଲ ଗାନ୍ଧୀ ଜଣେ ଗାନ୍ଧୀବାଦୀ ବ୍ୟକ୍ତି ଏବଂ ତାଙ୍କ ହୃଦୟରେ ଘୃଣା ଏବଂ କ୍ରୋଧ ନାହିଁ।
