ପାଟନା, ୩୦।୮ : ବିହାରରେ ଭାଜପା କ୍ଷମତାରୁ ହଟିବା ପରେ ଦଳ ଅବସାଦଗ୍ରସ୍ତ ହୋଇଛି। ଜେଡିୟୁ ସଂସଦୀୟ ବୋର୍ଡ ଅଧ୍ୟକ୍ଷ ଉପେନ୍ଦ୍ର କୁଶଓ୍ବାହା କହିଛନ୍ତି। ମଙ୍ଗଳବାର ସମସ୍ତିପୁରରେ ପହଞ୍ଚି କୁଶଓ୍ବାହା ଗଣମାଧ୍ୟମ ପ୍ରତିନିଧିଙ୍କ ସହିତ ଆଲୋଚନା ସମୟରେ ଏଭଳି କହିଛନ୍ତି।
ଭାଜପା ହୀନମାନ୍ୟତାର ଶିକାର ହୋଇ ମୁଖ୍ୟମନ୍ତ୍ରୀ ନୀତୀଶ କୁମାର ବିରୋଧରେ ମିଥ୍ୟା ଆରୋପ ଲଗାଇ ଲୋକଙ୍କୁ ବିଭ୍ରାନ୍ତ କରିବାର ବୃଥା ପ୍ରୟାସ କରୁଛି ବୋଲି ସେ କହିଛନ୍ତି। ଏବେ ଭାଜପା କେନ୍ଦ୍ରରୁ ମଧ୍ୟ କ୍ଷମତା ହରାଇବ ବୋଲି ସେ ଦାବି କରିଛନ୍ତି।
ଭାଜପା ମହିତ ଯେତେବେଳେ ବିହାରରେ ନୀତୀଶଙ୍କ ସରକାର ଥିଲା ସେତେବେଳେ ରାଜ୍ୟରେ ଜଙ୍ଗଲ ଶାସନର କଥା ହିଁ ଉଠୁ ନଥିଲା। ମାତ୍ର ଏବେ ମହାମେଣ୍ଟ ସରକାରରେ ଏଭଳି ଅଭିଯୋଗ ଭାଜପା ପକ୍ଷରୁ ଉଠାଯିବା ଅତ୍ୟନ୍ତ ଦୁଃଖର ବିଷୟ ବୋଲି ସେ କହିଛନ୍ତି।
