ଚଣ୍ଡିଗଡ଼, ୨୧।୮ : ପଞ୍ଜାବର ୧୦ ଜଣ ରାଜନେତାଙ୍କୁ ହତ୍ୟା କରିବା ପାଇଁ ଆତଙ୍କqବାଦୀ ସଂଠନ ପକ୍ଷରୁ ଷଡ଼ଯନ୍ତ୍ର ରଚାଯାଇଛି। କେନ୍ଦ୍ରୀୟ ସୁରକ୍ଷା ଏଜେନ୍ସି ପକ୍ଷରୁ ଏନେଇ ଏକ ସତର୍କ ସୂଚନା ଜାରି କରାଯାଇଛି। ସୂଚନାନୁସାରେ, ଗୁପ୍ତଚର ଏଜେନ୍ସି ପକ୍ଷରୁ ପଞ୍ଜାବ ପୋଲିସକୁ ଏ ସମ୍ପର୍କରେ ଇନ୍ପୁଟ ଯୋଗାଇ ଦିଆଯାଇଛି।
ସୂଚନାନୁସାରେ, ଆତଙ୍କବାଦୀମାନେ ପଞ୍ଜାବର ରାଜନୈତିକ ପରିବେଶକୁ ନଷ୍ଟ କରୁଥିବା ଅଭିଯୋଗରେ ଏସବୁ ୧୦ ରାଜନେତାଙ୍କୁ ଟାର୍ଗେଟରେ ରଖିଛନ୍ତି। ସେଥିମଧ୍ୟରେ ଚାରିଜଣ ନେତା କଂଗ୍ରେସର ଅଛନ୍ତି। ପୂର୍ବତନ ମନ୍ତ୍ରୀ ସୁଖଜିନ୍ଦର ରାନ୍ଧୱା, ବିଜୟନ୍ଦର ସିଙ୍ଗଲା, ଗୁରୁକିରତ୍ କୋଟଲି ଏବଂ ପୂର୍ବତନ ବିଧାୟକ ପରମିନ୍ଦର ସିଂ ପିଙ୍କିଙ୍କ ନାମ ମଧ୍ୟ ଏଥିରେ ରହିଛି।
ପଞ୍ଜାବ ପୋଲିସକୁ ଏହି ୧୦ ରାଜନେତାଙ୍କ ସୁରକ୍ଷା ବୃଦ୍ଧି କରିବାକୁ କେନ୍ଦ୍ରୀୟ ଏଜେନ୍ସି ପକ୍ଷରୁ ନିର୍ଦ୍ଦେଶ ଜାରି ହୋଇଛି।
