ଚନ୍ଦାହାଣ୍ଡି, ୧୩।୮(ଡି.ଏନ୍.ଏ.): ରାସ୍ତା ନଖିବାରୁ ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ପଟଖଲିଆ ପଞ୍ଚାୟତ ଗୌରଝରିଆ ଗ୍ରାମର ଜଣେ ରୋଗୀଙ୍କୁ ୫ କି.ମି. ବୋହିବା ସହ ନଦୀ ପାର କରାଇ ଆମ୍ବୁଲାନ୍ସ ପାଖକୁ ଆଣିଛନ୍ତି ପରିବାର ଓ ଗ୍ରାମବାସୀ। ଏହି ଘଟଣାକୁ ବିିଭନ୍ନ ମହଲରେ ନିନ୍ଦା କରାଯାଇଛି। ଏଦିଗରେ ଜିଳା ପ୍ରଶାସନ ତୁରନ୍ତ ଦୃଷ୍ଟି ଦେଇ ପଦକ୍ଷେପ ନେବାକୁ ଦାବି ହୋଇଛି।
ସୂଚନାନୁଯାୟୀ, ଗୌରଝରିଆ ଗ୍ରାମର ଧନୁ ପୋଟାଙ୍କ ସ୍ତ୍ରୀ ଲଳିତା (୩୫) ଙ୍କୁ ଜ୍ୱର ହୋଇଥିଲା। ସେ ଅଧିକ ଗୁରୁତର ହେବାରୁ ପରିବାର ଲୋକେ ଚିକିତ୍ସା ପାଇଁ ଡାକ୍ତରଖାନା ନେବାକୁ ୧୦୮ ଆମ୍ବୁଲାନକୁ ଫୋନ କରିଥିଲେ। ଗାଁକୁ ଯିବା ବାଟରେ ନଦୀ ପଡିବା ସହ କାଦୁଅ ପଚପଚ ରାସ୍ତା ଯୋଗୁ ଆମ୍ଭୁଲାନ୍ସ ନଦୀ ଆପଟେ ଅଟକି ରହିଥିଲା। ପରିବାର ଲୋକେ ଏକ ଖଟିଆରେ କାଦୁଅ ପଚ ପଚ ରାସ୍ତାରେ୫ କିମି ବୋହିବା ସହ ଆଣ୍ଠୁଏ ପାଣ ରେ ନଦୀ ପାର କରି ଆମ୍ବୁଲାନ୍ସ ପାଖରେ ପହଞ୍ଚତ୍ ଥିଲେ। ସେଠାରୁ ଲଳିତାଙ୍କୁ ଚନ୍ଦାହାଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଚିକତ୍ସାପରେ ଲଳିତାଙ୍କ ସ୍ବାସ୍ଥ୍ୟାବସ୍ଥା ସ୍ଥିରଥିବା ଡାକ୍ତର ପୀର ପ୍ରସାଦ ଶତପଥୀ କହିଛନ୍ତି। ଗୋରଝରିଆ ଗ୍ରାମକୁ ସଂଯୋଗ କରୁଥିବା ନଦୀରେ ପୋଲ ଓ ପକ୍କାରାସ୍ତା ନିର୍ମାଣ ପାଇଁ ବାରମ୍ବାର ଏମ୍ପି ରମେଶ ମାଝି ଓ ବିଧାୟକ ପ୍ରକାଶ ମାଝିଙ୍କୁ କହିବବା ସତ୍ତ୍ୱେ ସେମାନେ ଗୁରୁତ୍ୱ ଦେଉ ନ ଥିବା ପାଟଖଲିଆ ସମିତି ସଭ୍ୟା ଅନୁପମା ଧୁରୁଆ କହିଛନ୍ତି। ତୁରନ୍ତ ଜିଲା ପ୍ରଶାସନ ଏ ଦିଗରେ ଦୃଷ୍ଟି ଦେଇ ପଦକ୍ଷେପ ନେବାକୁ ସେ ଦାବ କରିଛନ୍ତି l
