ପାଟନା,୨୯।୬: ବିହାରରେ ଆସାଦୁଦ୍ଦିନ ଓୱାଇସିଙ୍କ ପାର୍ଟିକୁ ବଡ଼ ଝଟ୍କା ଲାଗିଛି। ରାଜ୍ୟରେ ଏଆଇଏମ୍ଆଇଏମ୍ ବିଧାୟକଙ୍କ ମଧ୍ୟରୁ ଚାରିଜଣ ଆରଜେଡିରେ ଯୋଗ ଦେଇଛନ୍ତି। ସେମାନେ ହେଲେ ଶାହନଓ୍ବାଜ,ଇଜହାର, ଅଞ୍ଜାର ନାଇୟନୀ ଏବଂ ସଇଦ ରୁକଉଦ୍ଦିନ। ବିହାର ବିଧାନସଭାରେ ବିରୋଧୀ ଦଳର ନେତା ତଥା ଆରଜେଡି ନେତା ତେଜସ୍ବୀ ଯାଦବ ମଧ୍ୟ ଓୱାଇସି ଦଳର ଚାରିଜଣ ବିଧାୟକ ଆରଜେଡିରେ ଯୋଗଦେବା ଖବରକୁ ସ୍ବୀକାର କରିଛନ୍ତି। ଫଳରେ ଆରଜେଡିର ବିଧାୟକ ସଖ୍ୟା ଏବେ ୮୦ରେ ପହଞ୍ଚିଛି। ପୂର୍ବରୁ ଆରଜେଡିରେ ୭୬ ଜଣ ବିଧାୟକ ଥିଲେ।
ସୂଚନାନୁସାରେ, ବିରୋଧୀ ଦଳର ନେତା ତେଜସ୍ବୀ ଯାଦବ ଏଆଇଏମ୍ଆଇଏମର ଚାରିଜଣ ବିଧାୟକଙ୍କ ସହ ବିଧାନସଭା ବାଚସ୍ପତି ବିଜୟ ସିହ୍ନାଙ୍କ ଚାମ୍ବରକୁ ଯାଇଥିଲେ। ଏଠାରୁ ଯିବା ପରେ ସେ କହିଥିଲେ ଯେ, ଚାରିଜଣ ବିଧାୟକ ଆରଜେଡିରେ ଯୋଗ ଦେଇଛନ୍ତି। ଏଆଇଏମ୍ଆଇଏମ ରାଜ୍ୟ ସଭାପତି ଅଖତରୁଲ ଇମାନ ଓୱାଇସିଙ୍କ ଦଳ ଛାଡି ନାହାଁନ୍ତି। ଏହା ବ୍ୟତୀତ ସମସ୍ତ ଚାରିଜଣ ବିଧାୟକ ଆରଜେଡିରେ ଯୋଗ ଦେଇଛନ୍ତି।
