ବେଜିଂ, ୮।୬ : ଚାଇନାରେ ଅନଲାଇନ ଗେମ୍ ଖେଳିବାକୁ ଛୋଟ ପିଲାଙ୍କଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ସଭିଏଁ ପସନ୍ଦ କରିଥାନ୍ତି। ବିଶେଷକରି ସାମରିକ ଯୁଦ୍ଧ ଖେଳ ଯୁବକମାନଙ୍କ ମଧ୍ୟରେ ବହୁତ କ୍ରେଜ ସୃଷ୍ଟି କରିଛି। ଅନଲାଇନ୍ ଖେଳ ଖେଳି ବ୍ୟକ୍ତି ଇଣ୍ଟରନେଟରେ ଚାଇନାର ମୁଖ୍ୟ ତଥା ଶକ୍ତିଶାଳୀ ଯୁଦ୍ଧ ଟ୍ୟାଙ୍କ ଟାଇପ-୯୯ର ସବିଶେଷ ତଥ୍ୟ ଲିକ କରିଥିଲେ।
ଆମେରିକୀୟ ମିଲିଟାରୀ ନ୍ୟୁଜ ୱେବସାଇଟ ଅନୁଯାୟୀ, ମାଗଣା ଟୁ-ପ୍ଲେ ଅନଲାଇନ୍ ସାମରିକ ଯାନ ଯୁଦ୍ଧ ଖେଳ ୱାର୍ ଥଣ୍ଡର ଖେଳିବାବେଳେ ଖେଳାଳୀ ଜଣକ ଚାଇନାର ଟ୍ୟାଙ୍କର ବର୍ଗୀକୃତ ସ୍କିମେଟିକ୍ସ ଲିକ କରିଥିବା ଅଭିଯୋଗ ହୋଇଛି। ଜଣେ ୟୁଜରଙ୍କ ସହିତ ଯୁକ୍ତିତର୍କ ସମୟରେ ସେ ଏଭଳି ବଡ଼ ଭୁଲ୍ କରି ବସିଛନ୍ତି।
ଚାଇନାରେ ସୂଚନା ପ୍ରସାରଣକୁ କଠୋର ନିୟନ୍ତ୍ରଣ କରାଯାଇଛି । ବିଶେଷ କରି ସୈନ୍ୟବାହିନୀ ସମ୍ବନ୍ଧୀୟ କୌଣସି ସୂଚନା ଲିକ୍ କରାଯାଇ ନଥାଏ। କିନ୍ତୁ ଖେଳାଳି ଜଣଙ୍କର ଏହି କାର୍ଯ୍ୟ ପରେ ସୋସିଆଲ ମିଡିଆରେ ଚାଇନାର ଟ୍ୟାଙ୍କର ସବିଶେଷ ତଥ୍ୟ ଭାଇରାଲ ହେବାରେ ଲାଗିଛି ।
ଟ୍ୟାଙ୍କର ଲିକ ହୋଇଥିବା ବିବରଣୀକୁ ସୋସିଆଲ ମିଡିଆରେ ଗତ ସପ୍ତାହରେ ହ୍ୟାଣ୍ଡେଲ ଆଟ୍ ଦି ରେଟ୍ ଓଣ୍ଟଟେକ୍ନିକାଲ(@Osinttechnical ) ରେ ଚିହ୍ନଟ କରାଯାଇଥିଲା। ଖେଳାଳୀ ଜଣକ ଶେଲର ଏକ କପି ଶେୟାର କରିଛନ୍ତି। ତଥ୍ୟ ଲିକ ହେବାର କିଛି ସମୟ ପରେ, ଖେଳାଳୀ ଏହାର କପି ୱାର୍ଡ଼ ଥଣ୍ଡରର ସମସ୍ତ ପ୍ଲାଟଫର୍ମରୁ ବାହାର କରିଦେଇଥିଲେ। କିନ୍ତୁ, ସେତେବେଳକୁ ଏହା ଅନ୍ୟତ୍ର ଶେୟାର କରାଯାଇଥିଲା ଏବଂ ବର୍ତ୍ତମାନ ଭାଇରାଲ ହେବାରେ ଲାଗିଛି।
ଏହି ଘଟଣା ସାମ୍ନାକୁ ଆସିବା ପରେ ଖେଳାଳୀଙ୍କୁ ୱାର୍ଡ଼ ଥଣ୍ଡର ଫୋରମରୁ ବାରଣ କରାଯାଇଥିଲା।
