ନବରଙ୍ଗପୁର,୩୦।୫(ବି.ପ୍ର.): କମେଣ୍ଟ ମାରିବା ଓ ଅଶ୍ଲୀଳ ଇଙ୍ଗିତ କରିବା ଘଟଣାରେ ନବରଙ୍ଗପୁର ପୋଲିସ ୨ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଚାମୁରିଆଗୁଡା ଅଞ୍ଚଳର ଆଶିଷ କୁମାର ଷଡଙ୍ଗୀ ଓ ରୋହିତ କୁମାର ଭଞ୍ଜଦେଓ। ରବିବାର ସାଢ଼େ ୭ଟାରେ ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କ ସହ ଟି ହବରେ ଥିଲେ। ସେହି ସମୟରେ ଆଶିଷ ଓ ରୋହିତ ମହିଳା ଜଣଙ୍କୁ କମେଣ୍ଟ ମାରିବା ସହ ଅଶ୍ଲୀଳ ଇଙ୍ଗିତ କଲେ। ଏହାକୁ ପ୍ରତିରୋଧ କରିବାରୁ ଜୀବନରେ ମାରିଦେବାକୁ ଅଭିଯୁକ୍ତମାନେ ଧମକ ଦେଇଥିଲେ। ଏନେଇ ବ୍ୟକ୍ତି ଜଣଙ୍କ ନବରଙ୍ଗପୁର ଥାନାରେ ଲିଖିତ ଅଭିଯୋଗ କରିଥିଲେ। ଏହାପରେ କେସ୍ ନମ୍ବର ୨୫୫/୨୨ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତମାନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଏଏସ୍ଆଇ ହମିତନ ମାଝି ଘଟଣାର ତଦନ୍ତ କରୁଛନ୍ତି।
