ସୋରଡ଼ା,୨୫ା୫(ଡି.ଏନ୍.ଏ.): ଗଞ୍ଜାମ ଜିଲା ସୋରଡ଼ା ଦାରିଙ୍ଗବାଡ଼ି ଜାତୀୟ ରାଜପଥ ଗାଜଲବଡ଼ି ନିକଟ ଭୂତପଙ୍କାଳ ରାସ୍ତାରେ ବୁଧବାର ଅପରାହ୍ନରେ ବୁଲାଣି ରାସ୍ତାରେ ଭାରସାମ୍ୟ ହରାଇ ରାସ୍ତା ପାର୍ଶ୍ୱକୁ ଓଲଟି ପଡ଼ିଥିଲା ଏକ ଗାଡ଼ି। ଫଳରେ ଏଥିରେ ଥିବା ୧୫ ଜଣଙ୍କ ମଧ୍ୟରୁ ୧୨ ଜଣ ଆହତ ହୋଇଥିବା ବେଳେ ୩ ଜଣ ଗୁରୁତର ହୋଇଛନ୍ତି।
ସୂଚନାନୁଯାୟୀ, ବ୍ରହ୍ମପୁର ନିକଟ ନରେନ୍ଦ୍ରପୁର ଟାଟା କଲୋନୀ ନିବାସୀ ଉମାଶଙ୍କର ସାହୁଙ୍କ ନିର୍ବନ୍ଧ ପାଇଁ ପରିବାର ଏବଂ ସମ୍ପର୍କୀୟମାନେ ଏକ ଟ୍ରାଭେଲ୍ସ ଗାଡ଼ିରେ ଯାଇ କାର୍ଯ୍ୟ ସାରି ଅପରାହ୍ନରେ ଫେରୁଥିଲେ। ବୁଲାଣି ରାସ୍ତାରେ ଗାଡ଼ିଟି ଓଲଟି ପଡ଼ିଥିଲା। ଫଳରେ କୁମୁଦିନୀ ସାହୁ,ମଧୁସୂଦନ ସାହୁ, ସୁଜାତା ସାହୁଙ୍କୁ ଗୁରୁତର ହୋଇଥିଲେ। ସମସ୍ତଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି। ଅନ୍ୟ ୧୨ ଜଣ ସାମାନ୍ୟ ଆହତ ହୋଇଛନ୍ତି।
