କୋଲକାତା,୨ ।୫: ପଶ୍ଚିମବଙ୍ଗର ଦୁର୍ଗାପୁରରେ ରବିବାର ସ୍ପାଇସ ଜେଟର ଏକ ଯାତ୍ରୀବାହୀ ବିମାନ ଲ୍ୟାଣ୍ଡିଙ୍ଗ ସମୟରେ ଝଡ ବର୍ଷା ମଧ୍ୟରେ ଫସି ଯାଇଥିଲା । ଫଳରେ ପ୍ରାୟ ୪୦ ଜଣ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ସ୍ପାଇସ ଜେଟର ଏହି ବିମାନଟି ପଶ୍ଚିମବଙ୍ଗ ଦୁର୍ଗାପୁରରେ କାଜି ଜରୁଲ ଇସଲାମ ବିମାନ ବନ୍ଦରରେ ଅବତରଣ ପାଇଁ ଉଦ୍ୟମ କରୁଥିବା ସମୟରେ ଝଡ ବର୍ଷାରେ ଫସି ଯାଇଥିଲା । ଏଥିରେ ଆହତ ହୋଇଥିବା ଯାତ୍ରୀଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ହେଲେ ବିମାନଟି କିପରି ଝଡ ଭିତରେ ଫସିଗଲା ତାହାର ଯାଞ୍ଚ ଆରମ୍ଭ କରାଯାଇଛି । କୁହାଯାଉଛି କି ଲ୍ୟାଣ୍ଡିଙ୍ଗ ପୂର୍ବରୁ ହଠାତ ଝଡବର୍ଷା ଯୋଗୁ ବିମାନଟି ନିୟନ୍ତ୍ରଣ ହରାଇଥିଲା । ଏହି ବିମାନ ମୁମ୍ବାଇରୁ ଦୁର୍ଗାପୁର ଆସୁଥିଲା ।
ସ୍ପାଇସ ଜେଟ ପକ୍ଷରୁ ଏହି ଦୁର୍ଭାଗ୍ୟପୂର୍ଣ୍ଣ ଘଟଣାକୁ ନେଇ ଦୁଖ ପ୍ରକାଶ କରାଯାଇଛି । ଏହାସହ ଆହତ ଯାତ୍ରୀଙ୍କୁ ଯଥା ସମ୍ଭବ ସହଯୋଗ କରାଯିବ ବୋଲି କୁହାଯାଇଛି । ତେବେ ଲ୍ୟାଣ୍ଡିଙ୍ଗ ସମୟରେ ହଠାତ୍ ଝଡ ଆସିବାରୁ ବିମାନଟି ଦୋହଲି ଯାଇଥିଲା । ଫଳରେ କ୍ୟାବିନରେ ଥିବା କିଛି ଜିନିଷ ଯାତ୍ରୀଙ୍କ ଉପରେ ପଡି ଯିବାରୁ ସେମାନେ ଆହତ ହୋଇଥିଲେ ।
