ଧର୍ମଶାଳା, ୧୩ା୬: ଭାରତ ଓ ଆଫଗାନିସ୍ତାନ ମଧ୍ୟରେ ଶନିବାର ପ୍ରଥମ ଦିନିକିଆ ମ୍ୟାଚ୍ ଖେଳାଯାଇଛି। ବର୍ଷା କାରଣରୁ ମ୍ୟାଚ୍କୁ ୨୫ ଓଭରରେ ସୀମିତ ରଖାଯାଇଛି। ରହମାନୁଲା ଗୁରବାଜଙ୍କ ବିସ୍ଫୋରକ ଶତକ ବଳରେ ପ୍ରଥମେ ବ୍ୟାଟିଂ କରିଥିବା ଆଫଗାନିସ୍ତାନ ପ୍ରତିପକ୍ଷ ଭାରତ ବିପକ୍ଷରେ ୧୯୫ ରନର ଟାର୍ଗେଟ ଛିଡ଼ା କରିଛି। ଜବାବରେ ଭାରତ ୬ ଓଭର ଶେଷ ସୁଦ୍ଧା ୧ ଉଇକେଟ ହରାଇ ୪୭ ରନ କରିଛି।
ପାଇ ପ୍ରଥମେ ବ୍ୟାଟିଂ କରିଥିବା ଆଫଗାନିସ୍ତାନ ଆରମ୍ଭରୁ ୩ ଉଇକେଟ ହରାଇଥିଲା। ଏହିଠାରୁ ଗୁରବାଜ ବିସ୍ଫୋରକ ବ୍ୟାଟିଂ କରିଥିବା ବେଳେ ଅନ୍ୟ ପଟେ ହଶମାତୁଲା ଧୈର୍ଯ୍ୟର ସହ ବ୍ୟାଟିଂ କରିଥିଲେ। ଦୁହେଁ ଚତୁର୍ଥ ଉଇକେଟରେ ୧୧୬ ରନ ଯୋଡ଼ିଥିଲେ। ୪୮ତମ ବଲରେ ଶତକ ପୂରଣ କରିଥିବା ଗୁରବାଜ ୫୧ ବଲରେ ୧୦୨ ରନ କରି ଆଉଟ୍ ହୋଇଥିଲେ। ତାଙ୍କ ଇନିଂସରେ ୮ ଲେଖାଏ ଚୌକା ଓ ଛକା ସାମିଲ ଥିଲା। ଏହା ତାଙ୍କର ୯ମ ଦିନିକିଆ ଶତକ ଓ ଆଫଗାନିସ୍ତାନ ବ୍ୟାଟରଙ୍କ ମଧ୍ୟରେ ଦ୍ରୁତତମ ଶତକ ଥିଲା। ତାଙ୍କ ଉଇକେଟ ପଡ଼ିବା ସହ ଆଫଗାନିସ୍ତାନ ଇନିଂସ ଦିଗହରା ହୋଇଯାଇ ୨୪.୫ ଓଭରରେ ୧୯୪ ରନରେ ଅଲଆଉଟ୍ ହୋଇଯାଇଥିଲା। ଅନ୍ୟମାନଙ୍କ ମଧ୍ୟରେ ଅଧିନାୟକ ଶାହିଦି ୨୭ ଓ ଆଜମାତୁଲା ଓମାରଜାଇ ୨୬ (୩ ଛକା) ରନ କରିଥିଲେ। ଭାରତ ପାଇଁ ଦୁଇ ପଦାର୍ପଣକାରୀ ଗୁରନୁର ବ୍ରାର ଓ ହର୍ଶ ଦୁବେ ୩ ଲେଖାଏ ଉଇକେଟ ନେଇଥିବା ବେଳେ ଅର୍ଶଦୀପ ସିଂ ଓ ନୀତୀଶ କୁମାର ରେଡ୍ଡୀ ୨ ଲେଖାଏ ଉଇକେଟ ହାତେଇଥିଲେ।
ସଂକ୍ଷିପ୍ତ ସ୍କୋର
ଆଫଗାନିସ୍ତାନ: ୨୪.୫ ଓଭରରେ ୧୯୪/ଅଲଆଉଟ୍(ରହମାନୁଲା ଗୁରବାଜ-୧୦୨, ହଶମାତୁଲା ଶାହିଦି-୨୭, ଗୁରନୁର ବ୍ରାର-୩/୨୭, ହର୍ଶ ଦୁବେ -୩/୪୭, ଅର୍ଶଦୀପ ସିଂ-୨/୨୭)।
